Aston Villa in kum 2010 hnua a vawikhatna atan European football khelh an hnaih a. Premier League-ah pangana ni turin Fulham lakah hnehna an chang.
Thawhlehni zana Villa Park a inkhelah hian Tyrone Mings chuan inkhel a goal pawimawh a khung a. Kum 2021 November hnua league inkhela goal a khung leh hmasak ber a ni a, John McGinn-a corner a tauh lut.
Fulham tan Andreas Pereira chuan goal khung teuh mahse a bak goal hlauhawm siam an harsat.
Unai Emery pawlte hi Premier League match 10 chhung tlawm lovin an kal tawh a. Hnehna an chan avangin Tottenham an lehpel a, khelh khat erawhin an khel tam zawk.
Inkhel dangah Wolverhampton Wanderers chu Premier League a khel zel turin an him angah tam takin an ngai tawh a. Crystal Palace lakah 2-0 a chakin an dinhmun a tha tawh viau.
Goal hlauhawm tam lohna inkhelah Palace centre-back Joachim Andersen chuan Ruben Neves-a corner an lamah a ti lut palh a. Huntawp dawnah Neves hian penalty atangin an goal hnihna a khung.
Julen Lopetegui chuan, “Kan tan point pawimawh tak ni tur zaninah kan hmu. Mahse hei hian kan dinhmun a la tichiang lo. Point hmuh belh zel kan mamawh.” a ti.