Odisha FC chuan an club chanchin a trophy hmasa ber an chawi a. Bengaluru FC 2-1 a hnehin Hero Super Cup-ah an champion.
Thawhlehni zan khan Koshikode a EMS Stadium ah Odisha FC hian Diego Mauricio goal hnih khung hmangin hnehna hi an chang.
Mauricio hian minute 23-naah a freekick pet chu Gurpreet Singh Sandhu-a’n dang pialin goal a khung a. Halftime hma in Jerry Mawihmingthanga siamsak atangin an goal hnihna a khung ve leh bawk.
Bengaluru in second half tawp dawn lamah penalty an hmu a, Sunil Chhetri chuan goal-ah a khung.
India midfielder thin Clifford Miranda hnuaia khel Odisha-ah hian Mizo player Paul Ramfangzauva, Lalthuammawia Ralte, Lalruatthara, Isaac Vanmalsawma, Jerry leh Isak Vanlalruatfela te an khel a. Lalhrezuala Sailung loan in a chhuak bawk.