Kim Kardashian tel lova showbiz buaipui chu ngaihtuah ngam chi pawh a nih loh laiin, Kim erawh chuan reality TV bansan a, a hunpum lawyer nih a tum thu a sawichhuak.
TIME100 Summit neih zawh takah Kim hian a hmachhawp leh tihtur hmabak a neih tarlangin criminal justice siamthatna lama chak taka hmalak a pawimawh hle a ti.
Media khawvela enrawn leh ngaihvenrawn tawh lohna nun chungchang an zawhna chu, “Full time lawyer ni thei ngat ila, ka lawm a kim ber ang,” tiin a chhang.
A sawizelnaah karhmasa khan a unau nu Khloe Kardashian chu Lung In pakhatah a kalpui a, thil zirtur tam tak a hmu nghal a, a mit tihvar sakin awm a ni ber. Criminal justice siamthanta lamah hian tih tur leh buaipui tur tam tak a awm niin a sawi bawk.
Kim hi official takin lawyer a la ni lova, December 2021 khan Law kumkhatna a zir zova, hei pawh hi vawi tam exam a chhan hnu-ah a pass chhuak thei hran a ni awm e.
A pa hi a hun lai chuan US rama attorney lar ber zingah a tel pha a, case a buaipui thenkhat phei chu khawvel ngaihvenrawn te an ni nawk hlawm.