Queen zaipu boral ta Freddie Mercury-a savun kekawrbul tawi ber leh tawt ber ni bawk chu pound 18,000 in lilamnaah an hralhchhuak. India pawsa in cheng maktaduai 2 a tling teuh hle.
He savun kekawrbul dum hi December 6, 1980 kuma Birmingham khawpuia Queen concert turu takah khan a hachhuak.
Freddie hian mipui mit titlai tur leh an suangtuahna vawrh zau tura Stage-a inlan leh khawsak kawngah hrilh hriat a ngai hran lova, ‘idea’ dangdai leh mak tak tak a thawhchhuahpui fo.
He savun kekawrbul pawh hi entu mipui mit hip nan leh an rilru lak pen nanaa hachhuak ni bawk mah se, concert chhimtu tam tak khan an ‘notice’ em em hran lova, Queen music leh a zai fawn karah an luangliam a ni ber.
Freddie-a’n Birmingham show mai bakah show thahnem takah a kekawrbul tawi leh tawi ber ni bawk, a hak thiam ber nia sawi hi a hachhuak fova, kawngbawr len zawng hi inches 28 (71cm) niin, a tawt ve viau tura ngaih a ni.
Savun kekawrbul hi a tir lamah pawh lilam tura duan niiin, mi hrang hrang kutah a thleng kual a, tun tuma lilamah hian a nihna takah chuan pound 8,000 vela hralh chhuah theih an inbeisei laiin, a tak ramah erawh hei ai hian a tam daih. Pound 18,000 in an hralhchhuak.