Bhutan-China ramri buaina hi kum tam tak lo buai tawh, India-China inkar khi nen a inzawm tlat.
Asia ram lian pahnihte hi ramri-ah hian an inep reng a, an ram chin inluahsakah an inpuh ve ve a. India chuan ramri hi km 3,488 nia a sawi laiin China chuan km 2,000 bawr chauh niin a sawi.
Ramri buai lai, tumah mahin luah lo ni se an tih hi India hmar lama Ladakh atanga intanin khawchhak lama Arunachal Pradesh (China-in Southern Tibet-a a sawi) thleng rawk a ni.
Chinahi eibar leh sipai lamah a thang duang si a, hei hi Bhutanese tam tak chuan Beijing nena inremna neih thuai chu an ram tana tha tur zawkah an ngai mek hlawm.
“Bhutan hian palai inbiaa China nena inbiak turin duhthlanna a nei reng em? Kei chuan an duh ang inremna a nih ka ring miah lo,” tiin Bhutanese expert pakhat chuan a sawi.
India leh Bhutan hian kum 1949 khan inremna siamin Delhi himna atana tih a ni deuh ber a. He inremna hi kum 2007 khan ennawn niin Thimphu hi sipai hmanraw lei leh foreign policy-ah zalenna zau zawk siamsak a ni.
Bhutan-ah hian Indian sipai tam tak leh sorkar hotu awmin Bhutanese sipaite training an pe thin a. An sipai hmunpui pakhat pawh khawthlang lama Haa khuaah awmin Doklam atanga km 20 vel chauh a ni.