Arunachal Pradesh sorkar chuan district hrang hranga sorkar damdawi in neihte chu tihchangtlun an tum.
Nimin khan Chief Minister Pema Khandu-a kaihhruaiin an state-a hotu liante thukhawmin district-a damdawi in an neihte tihchangtlunna tura ruahmanna awm sate chu an thlirho va. Mi thiamten hma lak dan turte sawihovin a tlangpuiin an pawm.
He hunah hian Khandu chuan, “Kan state-a district hospital-te thuam thata tihchangtlun nan hian Rs. Vbc 400 ruahman a ni,” a ti.
Chief Minister Khandu chuan, “Tun hnai thla reilo te chhung khan nurse 400, medical officer 66 leh specialists doctor 34 lai sorkar chuan a lo lak belh tawh bawk,” tiin a sawi.