Aizawl : Mamit dist level coordination commitee on FOCUS-in Vawk pul hri ASF vanga Vawk note a hlawma lak tur a awm loh avangte, Vawk note ramdang/hmundang atanga lakluh khap a nih avangtea Vawkvulh tur ten tualchhung a mi an lo leina man an account-ah thunsak rawtna an pawm.
FOCUS leh Vety Deptt-in inremna anga kum kaltaa Vawkte sem tur la pek fel loh leh harsatna an sawiho bawk.
Dist Project Manager, FOCUS Lalbiakthanga Pachuau-in kum kalta 2022-2023 chhun- ga Agriculture sector, Horticulture sector, Soil & Water Conservation sector leh Vety sector-a FOCUS hmalakna hrang hrang a sawi a. Sector hrang hranga kum kalta chhunga sum hman ral Rs. 4,46,75,872 a nih thu a sawi.
Kum kal mek April – June a hmalak tawhna leh hmabak te pawh sawiin, sector pali – Agriculture, Horticulture, Soil & Water Conservation leh Vety-ah target achivement Rs. 2,01,97,110 a nih thu a sawi bawk.