Aizawl : May 9, 2023-a Chakma Autonomous District Council (CADC) hnuaia Member of District Council (MDC) inthlanpui lo awm tura chuh tuma hming pe lut zing pakhat a inhnudawk.
CADC inthlan lo awm turah hian chuh tuma hming pe lut 76 zinga mi 74 te nomination chu endik an nih hnuah pawmsak an ni a. Hetih lai hian, April 27, 2023 chhun dar 12 thleng inhnuh dawh theih hun hawnah 5-Kamalanagar North MDC Constituency-a Independent-a chuh tuma hming pe lut Probindu Chakma chu a inhnuk dawn a ni.
He ti hian, CADC inthlanpui 2023-ah hian chuhtu (candidate) 73 an awm dawn ta a ni.
Inhnuh dawh theihna hun a tawp rual khan Chawngte SDO (Civil) Office-ah Returning Officer David Lalthantluanga hovin candidate-te tichiangin, an chhinchhiahna (symbol) tur thliar fel nghal a ni.
11th CADC inthlanpuiah hian political party pathum – Bharatiya Janata Party (BJP), Indian National Congress (INC) leh Mizo National Front (MNF) te chuan bial awm zawng zawng bial 20 an chuh vek a. Zoram People’s Movement (ZPM)-in bial 13 an chuh ve bawk.