Thorang bialtu MLA Zodintluanga chuan nimina Lungsen Zone Volleyball Association buatsaih MLA Cup Volleyball Tournament 2023 final-ah khuallian niin hun a hmanpui a, thalaite chu an thatlai hun reilo te tha taka hmang turin a chah.
LGSA Playground, Lungsen-a MLA CUp Volleyball Tournament final khelh hmaa inkhawm buatsaihah khuallian chuan, “|halaiten kan that lai hun reilo te hi tha taka kan hman a pawimawh a, Pathian thuah pawh thalaite chu kan that lai hun chen tura min duh thu leh hlim taka nun hmang tura min duhsak thu kan hmu a; mahse, kan chungah rorelna a la awm dawn a ni tih hre rengin he thu hian kan nun hruai se,” a ti.
Zodintluanga Ralte chuan, “Lungsen leh a chhehvel khuaten infiamna an ngaisang hi thil lawmawm tak a ni,” a ti a. A rang lama Volleyball coach a ngaihtuahsak tur thu a sawi bawk.
April 26, 2023 atang khan Lungsen Zone Volleyball Open Tournament hi neih tan a ni a, nimin khan final khelh niin tournament hi zawh fel a ni.