Praise On star pahnih Zorinsanga Sailo leh Lalrinmawii (Arini) te duet video thar ‘Thu chauh sawi la’ tih chu Synod Moderator Rev C Chawnghmingliana’n Pathian hnena a hlan thu ah tihchhuah a ni ta a, youtube lamah pawh en leh ngaihthlak theih tura dah nghal a ni.
He hla hi COVID19 vanga inkhuahkhirhna khauh taka kenkawh a nih lai September 2020-a AMC Ward III bialtu Corporator C Lalchhandami’n Mathaia 8:5-13 leh Luka 7: 1-10 tlawhchhana a phuah, Lalzemawia’n a thluk a siam a ni a. C Lalchhandami chuan a testimony hla a nih thu leh a hla phuah hmasakber a nih thu a sawi. HC recording kutchhuak niin, video erawh Milestone video kutchhuak a ni thung.
Zorina leh Arini te hi CKTP leh Synfo-in kum 2016-a mal zaia inelna Praise On an buatsaih atanga mipui hriat hlawh chho tanin, hemi tum hian Arini hi pakhatna niin, Zorina chu pahnihna a ni a, pathumna Cindy Lalthanpui niin, an pathum hian trio video an tichhuak tawh.
‘Thu chauh sawi la’ tih hi nikum lama tihchhuah tum tawh ni mahse, an tum hunah an tichhuak thei ta lova, tuna an tichhuak thei ta chu lawmawm an tih thu leh lo ngaithlaa lo thlirtute tan malsawmna ni ngei se an duh thu Zorina leh Arini te chuan an sawi