UFC Fight Night-ah Chinese bantamweight fighter Song Yadong chuan hneh takin a khingpui a thunun a. Ricky Simon chu round nga naah technical knockout a hnehin kuminah a vawikhatna atan a chak.
Las Vegas a main event-ah hian kum 25 mi Yadong hian a khingpui hi kut thlak fuh ngunin a thunun viau a, round hnuhnung berah chiang takin a veilam a hnek letin chhuatah Simon a tlu a, zuk hnek chilh zui lehin referee Herb Dean-a’n a ti tawp.
Yadong hi UFC-ah vawi 9 a chakna chiah a ni a, bantamweight rankings-ah pariatna a ni mek.
Bantamweight title inchuhnaah tel theih ngei tumin top five ranking ami khingpui hmachhawn leh a duh thu a sawi nghal a. Sean O’Malley leh Marlon Vera te a cho thu a sawi.
“Simon hi khingpui tawhkhirh tak a ni a, mahse zanin chu ka chetthat zan a ni. O’Malley emaw ‘Chito’ Vera te hmachhawn leh ka duh.” tiin a sawi.