Brighton & Hove Albion in season thar a Europe huap inelna khelh ngei tumin hmalam an pan a. Premier League chanchin a hnehna an chan chian ber tum hmangin Inrinni zanah Wolverhampton Wanderers 6-0 in an sawp.
American Express Stadium-ah Brighton in point thum an hmu a, pariatnaah awm mahse an chung a awm Liverpool chu point khat chauhin an pha lova, pangana a awm Tottenham nen an inkarah point hnih chiah a awm bawk.
Roberto de Zerbi pawlte hian minute 6-naah Deniz Undav hmangin goal hmahruai an khung a, Premier League a a goal hmasa ber a khung.
Pascal Gross-a’n an goal hnihna leh thumna a khung hnuah halftime hma in Danny Welbeck chuan goal a khung leh hman.
Second half-ah English striker bawkin an goal nga na a khung a. Minute 66-naah Undav-a’n an goal hnuhnung ber a khung leh bawk a ni.
Inrinni zan inkhel dangah Crystal Palace in 4-3 in West Ham United lakah hnehna an chang a. Si phur hmasa zawkah tang mahse a tawpah an dingchang zawk.
Brentford pawhin huntawp dawnah Ivan Toney leh Josh Dasilva hmanga goal khungin 2-1 in Nottingham Forest an lehthal.