Aizawl : MNF party Gen. Hqrs-a Joint Secretary David Zohmangaiha’n tumhnih ngawt India rama state hlim ber (happiest state)-a Mizoram puan a nih chung- chang sawifiahin, Gurugram khawpuia Management Development Ins- titute hotu pakhat Professor Rajesh K. Pillania kaihhruaia zirchian a nih hnuah state hlim ber chu puan a nih thu a sawi.
Inrinni khan Aizawl press club-ah thuthar thehdarhtute kawmin, MNF Joint Secretary, AMC Corporator ni bawk Da- vid Zohmangaiha chuan Mizoram chu kum 2020-ah state hlim bera puan a lo nih tawh thu a sawi a. “Party thenkhatin Mizoram chu chhe vek anga sawiin, mipui bum tum mahse, heng te hi thi diklo hmanga sorkar beihna mai a nih zia state hlim bera puan kan ni hian a tichiang” a ti a. “Chief Minister Zoram- thanga kaihhruaina hnuaiah Mizoram chu a chhe vek lo mai ni lovin, India rama state awh- awm ber pawl leh hlim ber kan nih zia chu phai lam mithiam, a zirchiang te ngeiin an rawn puang hi a lawmawm hle” a ti.
Eng tehfung nge an hman? tia zawhna awm thei chungchangah Da- vid Zohmangaiha chuan zirchiannaah chuan chh- ungkaw inlaichinna, zirlai leh zirtirtu inlaichin- na, hnathawh kaihhnawih thil, vantlang nun leh mihring chawikanna, sakhua, Covid-19 in rilru leh taksa hriselna a nghawng dan te tehfungah hmanga state hrang hr- ang te zirchian a nih thu a sawi a. Mizoram chu state hlim bera puan a nih tak thu a sawi.
Zirchianna report-ah chuan Mizoram chu In- dia rama ziak leh chhiar thiam tam lama pahnihna a nih thu te pawh tarlan a nih thu leh harsatna hrang hrang kara zirlaite hmasawnna kawng haw- nsak an nih dah te pawh tarlan a nih thu a sawi.
David Zohmangaiha chuan zirchianna report-ah chuan Mizorama van- tlang inrelbawlna mumal tak chuan thalaite hlimna a thlen nia tarlan a nih thu a sawi a. Mizo khaw- tlang nunah hmeichhia leh mipa thliar a nih loh dan te, thalaiin hna te lua sawi lova, kum 16/17 atanga hna an thawh tan dan te, hmeichhe naupa- ng leh mipa naupang en- hranna awm lova hnath- awh chawisan a nih dan te tarlan a nih thu a sawi.
Mizoram chu chh- ungkaw kehchhia tamna a nih tho laiin, thalai zingah nu-in an tet lai ata- nga hna a thawhsan em- aw, eizawnga an vahchhuahsan te pawh hlamchhiah lova nun khawc- hhuah dan zirtir an nih dan te pawh tarlan a nih tuh David Zohmangaiha chuan a sawi a. Zirlai thenkhat an kawm atangin zirtirtute chu thiamna-petu ni mai lovin an thian tha tak te an nih bakah, an thil tawn engkim an hrilh ngam thu te hriat a nih thu tih zirchiangtute chuan an sawi niin a sawi bawk.
Zirchiangtute chuan Mizorama zirlai zingah harsatna bik tak paltlang tur nei an awm pawhin a thim zawng ni lovin a eng zawngin an thlir tlat niin an sawi a. Zirlai pakhat chu a pa in tuithlar mahse, hmalam pan lui tlatin, hlawhtling taka chartared accountant nih a tum a, a hlawhtling ta lo a nih pawhin civil ser- vices lama luh a la tum fan nia sawiin, hei hian Mizo thalai ten rilru hri- sel an nei ni a an ngaih thu zirchiangtute chuan an sawi tih David Zohm- angaiha chuan a sawi.
State danga nu leh pa ten an fate zirna lama an nawrchepna ang Mizo thalai ten an tawk ve lo niin an ngai tih David Zohmangaiha chuan a sawi a. “Mizoramin state hlim ber kan nih theih chhan lian tak pakhat chu, thalai zinga hlim an tam chhan hi chibil inthliarna awmlohna khawtlang a nih vang ni- in an tarlang” a ti bawk.
Mizoram state hlim ber a nih theih chhan chu sorkar tha, mipui sorkar, mirethei leh chhumchhiate hnen thleng phak sorkar Mizoramin a neih niin David Zohmangaiha chuan a sawi bawk a ni.