Turkish court chuan pop star lar Gulsen chu sakhaw sikul chungchanga fiamthu a thawh vanga kum khat tag tura a tih chu thla 10-in a tihniamsak. Thu delhkilh lian tak a awm thung a, fimkhur hle a ngai ang.
Hlaphuah thiam ni bawk hian concert pakhatah a musician pakhat, awmherh ve tak chu sakhaw zirtirna sikul chhuak a nih thu fiamthu a thawh zauh a, hei hi thuneitute’n an la thutak zui hle.
Nikum khan kum 46 mi Gulsen Colakoglu han a pumpui thu ni nga chhung jailah dah niin, house arrest angin ni khat dah a ni bawk a, a thusawi vanga pawi a tih thu leh ngaihdam dilna a nei chung pawhin hrem a pumpelh chuang lo.
Nilaini khan court chuan thubuai ngun taka a ngaihtuah that leh hnu ah Gulsen hi a thiam lo ngei tih a hmuchhuak a kumkhat tang tura a tih zet hnu-ah thutlukna siamtha lehin, thubuai a hm achhawn hun chhung zawnga chet dan mawi tak a lantir vangin ngaihhathiam nan a tan hun chhung tur thla sawmin a tihniamsak.
Hetih lai hian kum 5 lo la awm turah a tisual nawn leh anih chuan jail bang a zut nghet chat tawh dawn thung a, thiante inkara fiamthu a inkahna leh inbawlna ni anga sawi ni mah se, sakhuana lak vungna ram Turkey-ah chuan pawisawina lian tak a tling ta tho a, a thiamthu sawi hi court chuan a pawmzam thei lo.