Aizawl : Samagra Shiksha Hnahthial District buatsaihin nimin khan Thingsai Community Hall-ah Quality- Education chungchang leh NIPUN Bharat & Vidyan-jali 2.0 Awareness campaign leh Elementary School hnena ICT hmanrua semchhuahna hun neih niin, bialtu MLA leh Minister ni bawk Dr. R.Lalthangliana chuan Khuallian niin a hmanpui .
H&TE Minister Dr.Thangtea chuan ziak leh chhiar thiam tam lamah Mizoram chu India- ramah pahnihna ni mahsela ZMC a thawk tur Mizo zingah Professor an van thu te, Doctor zingah pawh Specialist leh Super specialist an tam loh thu leh Pilot pawh Mizo nula tlangval an tam lo tih sawiin “Khawvelin a mamawh thiamna tak tak nei turin, Mizo thalai ten tan lak atul a ni,” a ti.
He hun hi Samagra Shiksha Hnahthiala Dy DPC Lalzarliana chuan kaihruaiin Govt Middle School Thingsai, Govt Saikuti Middle School Thingsai leh Govt Middle School Bualpui H ah Computer leh Printer 10 theuh bakah Projector leh Web-cam pek theuh an ni a, Internet Connection ti theuh tura ruahman a ni.
South Tuipui bialtu MLA Dr R Lalthangliana hian nimin vek khan Cherhlun ah MNF party zawmthar lawmluhna hun hmang nghalin, Cherhlun atangin mi 37, Ngharchhip atangin mi 10, New Ngharchhip atangin mi 30 an vaiin Voters 77 a lawmlut a, Ningani zan khan Thingsai atangin Voters 38 a lawm lut bawk.