Aizawl : College Veng YMA hall, Kolasib chu Zirtawpni zan khan bialtu MLA, Mi- nister K. Lalrinliana’n a hawng a. Kolasib bial tihhmasawn nana MLA bialtu hmasate hmalaknate sawiin, a hlawhtlinna hmu tura hmalak chhunzawm a nih avanga lawmawm a tih thu a sawi.
College Veng YM- A hall, Kolasib sak puitlin a nih theih na tura sorkar atanga tanpuina piahlama khawtlangin sum leh tha an thawh entawntlak a tih thu K Lalrinliana ch- uan a sawi a. Kolasib thalaite hrisel nan leh infiamna kawnga hmasawnna sawt leh zual a awm theih nan khelmual tha a awm a tul thu leh khelmual nei- hsa te changtlung za- wka chei a nih thu te sawiin, College Vengah semi-indoor volleyball court sa tura ruahmanna pawh a taka hna tan thuai a nih tur thu a sawi.
K Lalrinliana chuan intodelhnain ram leh hnam zahawmah a si- am thin thu sawiin, mahni phak tawk the- uha intodelh tura hm- alak a tul thu a sawi a. Zirlaite ten thiamna chhawrtlak neia, taim- akna leh tumruhna nen Mizoram chu kawng engemaw tala intod- elha siam tura ruahmanna an neih a pawimawh thu a sawi.
Sub-Headquarters YMA, Kolasib President Thomas D. Lal- engliana pawhin thusawiin, ram hrang hr- anga awm Zohnahthlakte inunauna leh inlungrualna tha a awm a pawimawh thu a sawi a. Kolasib district mi- puite chu buaina leh harsatna hrang hrang avanga Zohnahthlak thlamuanna zawnga tlanlut an awm a nih pawhin inhawng taka lo dawngsawng thiam turin a chah.
College Veng bra- nch YMA Secretary R. Lalhmunsiama’n College Veng YMA hall sakna hmun chu Vanlalzawma’n Lok Sabha MP a nih laia a hm- alakpuinaa lei a nih thu a sawi a. Hall hmun lei belh nan leh a sak chhunzawm nan chhu- ngkaw tinin hmanrua leh a remchan dan anga sum an thawh thin bakah bialtu M- LA, Minister K. Lalrinliana’n MLA fund Rs. nuai 10 a pek thu a sawi.
Hall sak bultanna turin MLA hlui PC Zoram Sangliana MLA fund leh țanpuina dang ațangin Rs. nuai 25 an hmuh thu sawiin, hnatlang leh mi inphal ten sum, tha leh khawlte thawh bawkin sorkar office hrang hrang pawhin tanpuina an pe tih a sawi bawk.