MNF party chuan Chakma Autonomous District Council (CADC) inthlan lo awm tura mi kut tuar avanga BJP official candidate Amit Kumar Chakma-a’n nunna a chân chu pawi an tih thu an sawi.
Thuchhuah an siamah MNF hian CADC inthlan lo awm tur boruak ni ngeia ngaih theih tura Amit Kumar Chakma-a’n vanduaithlak tak maia nunna a chân chu thinlung taka an sun thu an sawi a. Tun hnuah hetiang thil duhawm lo tak hi thleng nawn tawh lo turin a duh thu an sawi a. Inthlan boruaka duty police-te pawh mipui boruak thlir reng a, candidate-te leh mipui himna tura theihtawp chhuah zel turin a ngen nghal bawk.