Aizawl : Zo-Reunification Organisation (ZORO) huaihawta Manipur tualchhung buaina chungchanga inrawnkhawmnaa tel ten Manipur-a Meitei leh Zofate inkara buaina chu ringlo mi ten Kristian an tihduhnaa an ngaih thu an sawi a. He buaina ava- nga Zofa nunna chan te, hliam tuar te, in leh lo chan te leh Biak In an tihchhiatte zangna- dawmna pe turin Manipur sorkar an phut.
DMC, Dawrpui-a inrawnkhawmnaah hian ZORO hruaitute bakah political party, NGO leh kohhran hr- ang hrang aiawh te an tel a. “Manipur sorkar- in kawng hrang hranga Zofate pawi a khawih hi ram chhung leh ram pawn thleng pawha puanzar leh siamthata a awm theihna turin ZORO-in phungbawm sawmin hma la sela, United Nations Organisatin (UNO)-ah pawh thlen ni rawh se” an ti.
Pawl leh kohhran hrang hrang aiawh kal- khawm chuan “Mani- pur tlangram hi Zofate luah ram a ni a, a ram neitu chu Zofate kan ni” an ti a. “Chhuanlam hrang hrang hma- nga Manipur sorkarin Zofate in leh lo chhuhsak tuma hma a la hi kan duh lovin kan dem takzet a. Zofa ten an hmakhawngaia, hma an lakna – peaceful tri- bal solidarity march an buatsaih avanga tha- rum thawha Zofate an bei chiam hi hriatthiam har kan ti hle a. Manipur sorkarin Zofate ram chhuhsak a tumna chiang tak a ni” an ti.
“Manipura Zofate hian Manipur sorkarah him lovin an inhria a, chuvangin an himna turin rorelna hranpa India sorkarin a pek kan phut tlat a ni” an ti bawk.