Aizawl : PC party Sr. Vice President Lalrinzuala Chawngthu-in Manipur tualchhung bu- aina chungchang sawi- in, “harsatna leh hun khirh tak tak avangin thinlungah Zofate kan insuihkhawm zel” a ti.
Nimina PC party action committee thut- khawmah he thu hi PC party Sr. Vice President chuan a sawi a. “Manipur state a pian hmain kan unau chengte hi Zofate thlangtlak khan henglai velah hian an inbengbel a, a ram neitu, leilungfa an ni” a ti.
Lalrinzuala Chaw- ngthu chuan “British hn- uaia Govt. of India Act, 1935-ah order no 348Fr April 15, 1936 chhuak- in excluded area-ah Mizoram tur hi khungluh kan ni a. Khatih laia Assam Governor Sir Robert Reed-a Mizorama a lo zin hnuin hmarchhak tlangram leh Chittagong Hill Track te, Arakan Hill te, Chin Hill te, Chindwin Hill lui ruam thlang zawng zawng huap ram thar din rawtna a siam a. British Prime Minister Winston Churchill-a’n a thuphungin pawm mah- se, amah thlaktu Clem- ent Atlee-a khan USA President Benjamin D Roosevelt leh China General Chiangkai Shek te rawtna ngaipawima- wh lo sela chuan Zofate hi ram khatah inhlawm ṭha takin kan awm theiin a rinawm” a ti a.
“India, Myanmar leh Bangladesh-ah te Zofate ṭhendarh kan ni ta a. Kan chenna azirin kan zia leh rilru dang mahse, hun khirh leh harsatnate avangin unau kan insuihkhawm chho zel a. Mizorama Zofa ten inpui chan changin kan unaute zai ngaia kan dawm zel chuan kan inunauna a thûkin a nghet telh telh dawn a ni” a ti.
“Brig T Sailo kha a CM laiin Silchar buai ah amah a zuk kal a, Tripura buain- aah Dr Kenneth Cha- wngliana a tir bawk” a ti a. “Pu Lal Thanh- awla pawh Mizoram pawna Zofate thlamuanpui a ni ṭhin, Pu Zoramthanga hruai sorkar pawh Mizoram pawna Zofate tan a thlamuanpuiawm rih” a ti.