Aizawl : Kolasib Ba- wrhsap John LT Sanga hovin Kolasib dist-a sor- kar deptt. hrang hrang hotute leh Joint VC, Sub-Hqrs. YMA, MUP leh MHIP hruaitu ten Manipur buaina avanga sah- imna zawnga Kolasib dist-a tlanlut te dawnsawn leh chhawmdawl chungchang an sawiho.
Kolasib dist-a lut raltlan mi 750 chuang chh- inchhiah tawh niin, an luh belh zel a. Saipum, Saiphai, Pangbalkawn, Phainuam, Vairengte leh Rengtekawn-ah te an tam zual. Chhungte leh hmelhriat belh tur nei an awm laiin, Community hall-a riahtir chhungkaw thahnem tak an awm a, khaw thenkhat relief camp sak tum an awm mek bawk.
Raltlan te ei tur leh mamawh hrang hrang ruahmansak chu a rang lama ngaihtuah a tul thu Baw- rhsap hova thutkhawm chuan an sawi a. Hemi kawnga hma la tur hian VCP te kaihhruaina hnuaiah ‘Village level refugee relief committee’ din lailawk ni se, an ti a. He committee-ah hian branch YMA President te vice chairman a ni ang.
Kolasib district khaw hrang hranga Manipur atanga raltlan te mamawh zualpui phuhruk nan Sub-Hqrs. YMA Kolasib kaltlangin khaw tinah vehbur khawn tum a nih thu an sawi a. Pawl leh mimal inphal, raltlante tana tanpuina pe duh tan Baw- rhsap pisa kaltlanga pek dan tur pawh ruahman ni se, an ti bawk.