Aizawl : Mizoram Lok Sabha member C Lalrosanga’n hmachhak state-a MP te chu Manipur tualchhung buainaah hmalakpuiah a sawi.
Sorkar thuchhuah tar lan danin, C Lalrosanga hian Inner Manipur bialtu Union Minister of State for External Affairs leh Education Dr. Ranjan Rajkumar Singh leh Outer Manipur bialtu Dr. Lorho Pfoze te biain Manipur atanga state dang mi leh sa thiarchhuah dante a sawipui a. A bik takin Imphal-a CRPF camp-a sahimna zawnga tlan lutte ei leh in pek that a tul thu leh Churachandpur lama kal duhte tana venhimna leh lirtheite ngaihtuahsak turin a ngen.
C Lalrosanga hian Churachandpur bialtu MLA Paolienlal Haokip pawh biain hmalak zel dan tur a sawi pui turin Aizawla inhmuh an rem ti a. Manipur atanga Mizoram lama haw duhte tana thlawhna leh lirtheia kalna ruahman chungchang pawh Chief Minister Zoramthanga a sawipui niin sorkar thuchhuah chuan a tar lang.