Aizawl: BJP Mizoram chuan nimin khan an pisa-ah chawlhkar thar inhlanna hun an hmang a, thusawitu, State Vice President R Vanramchhuanga chuan tunlai Manipur buaina bul tumtu anga BJP leh Narendra Modi an puhna hi thudik tawk lo a nih thu a sawi.
R Vanramchhuanga hian Manipur-a buaina chungchangah BJP Mizoram chuan Manipur-a Zohnahthlak tam tak Imphal-a tang mekte tan theihtawp chhuahin hma an la tih sawiin, “Manipur buaina hi a bulthum hre loten BJP leh Pu Modi-a beih nan an hmang hi a dik lo hle a ni,” a ti.
R Vanramchhuanga hian chi leh chi inkara buaina hi India ramah a thleng tawh thin tih sawiin, “Indira Gandhi a thih hnuah, Sikh mi tam tak thah an nih khan Congress thil tihah kan sawi ngai lo. Graham Stain-a te pafa hal hlum an nih khan Congress sorkarna state a ni a, Congress thah kan ti lo. Mizoramah ngei pawh Bawngkawnah Biak in vawm chhiat a nih khan Congress sorkar lai a ni a, Congress-in an tihchhiatsak kan ti bik lo,” a ti.
Inkhawmah hian CADC election awm tura an party candidate Amit Kumar Chakma sunna hun an hmang a ni.