Khawvel hmun hrang hranga Mizote insuihkhawm tura hma latu pawl, Zo-Reunification Organisation (ZORO) buatsaihin nimin khan Zofate inrawnkhawmna hmanhmawh neih a ni.
Dawrpui Multipurpose Hall, Aizawl-a Zofate inrawnkhawmna hmanhmawh neihah hian political party leh tlawmngai pawl hrang hrang leh kohhran aiawh atangin mi 54 an kal.
ZORO President R Sangkawia kaihhruaiah hian Manipur tual chhung buainaa Zofate tawrhna chu pawi an tih thu te, Zofaten chhawmdawl an ngaih thu te, khawvel hmun hrang hranga Zofate tanrual a ngaih thu te an sawi hlawm a. He hunah hian resolution pali an pass bawk.