Guinea ram hmarchhak lam, Siguiri-ah rangkachak laih chhuahna hmuna lei nasa taka minah mi 15 vel an thi niin thuneituten an sawi a. Lei min hai hna hi thawh chhunzawm zel a ni.
Rangkachak laih chhuahna hi Tatakourou khaw bula mi niin company emaw, sorkarin emaw a laihna ni lovin mi mal tuten emaw an lai ve mai a ni a. Inrinnia chhiatna thleng niin thite hi a laitute an ni hlawm tih Councillor Sekou Biniou Simagan chuan a sawi.
Thawhtanni zan thleng khan ruang 15 lak chhuah tawh niin an vaiin mipa an ni a, kum 14 leh 40 inkar an ni hlawm a. A rualin vui an ni ang a, a rualin, hmun khatah phum tum an ni bawk.
Rangkachak laih chhuah tumtu ber, Sinaman Traore chuan mi tlawmngai eng emaw zatin an pui nghal a, hna thawk mi pahnih chu an chhanchhuak thei niin a sawi.
Africa khawmualpui khawthlang lama ram hi tuna mi ang chi, mahni duhthua rangkachak leh thil dang zawnga lei laia chhiatna thleng a tam hle thin a ni.