Aizawl : Labour Employment, Skill Development & Entrepreneurship (LESDE) department buatsaih ni hnih awh tur Mizoram Mega Job Fair chu nimin khan Millenium Centre chung zawlah Deputy Chief Minister Tawnluia’n a hawng.
Dy. Chief Minister chuan Mizo thalai leh- khathiam hna neilote tana Job Fair buatsaih a ni chu lawmawm a tih thu sawiin, a buatsaihtu LESDE department a fak a. Mizoramah thalai lehkhathiam tam tak an awm thu sawiin, an tui- na leh theihna te hmang tangkai turin sorkar hna in a daih tawk loh thu leh sorkar pawn lama hna tam takte dinchhuahpui tham a nih thu a sawi.
Tawnluia chuan pla- cement agency kalkhaw- mte chu Mizoram thalai hna neilote chu dan in a phal chinah duhsak turin a ngen a. “Tunlai thalaite chu an taima a, thawh hreh an nei tawh lo” tiin, an hma a hna chhawpchhuahte chu chhel taka thawk zel turin a fuih bawk.
Mizoram Mega Job Fair-ah hian LESDE department chuan ram chhung leh pawna sector hrang hrang atangin company lian leh changtlung tak tak te sawmkhawmin, hna zawnglai te tan hnathawh tur an chhawpchhuahsak a ni.
LESDE Director Angela Zothanpuii’n Job Fair chu LESDE hnuai scheme pahnih SANKALP leh Model Career Center (MCC) te tangkawpa buatsaih a nih thu a sawi a. LESDE chungchang leh an hnathawh hrang hrang te sawifiah bawk.