Aizawl: Thawhlehni khan Mamit District Thalai Pawl chuan P&E Minister R Lalzirliana chu a pisa-ah an kawm a, an district-in kawlphetha hnianghnar zawk an neih theih dan turte an sawipui.
Mamit District Thalai Pawl hruaitute chuan an district-in kawlphetha hnianghnar zawka a neih theihna tur atana Construction of 132 KV Sub-station Bairabi to West Phaileng via Mamit Transmission line hna thawhna atana sum awm sa vek a ni chung pawha hnathawh a muan thu minister hi hrilhin, furpui lo thlen hma, May chhung ngeia hna thawh zawh a nih theih nana hma la turin an ngen.