- Mahmuaka Chhakchhuak
Jeremia. 23; 36 thu kan chhiar chuan ‘kan Pathianthu chu in kailek zo ta si a‘ tih thu kan hmu a, Bible lehlin hrang hrang a chhuak a, tun thlengin a chhuak zel bawk a, chung Bible lehlin hrang hrangte chu alo danglam zel a, a chhan ber chu a letlingtute hian a nihna taka letling lo hian an duh ang zawng leh an pawm dan leh rin dan mil zawnga an lehlin thin vang a ni ber mai! Chu chuan a thu thenkhat chu a tifiah viau a, a zirtu tan hriatfiah pawh a lo awl zawk ngei a, nimahsela, a thu thenkhat erawh a tidanglam ta daih thin a, a pawi thin a ni.
Chung Bible danglam bikah te chuan New International Version (NIV) hi a hluar ber zing a mi a ni a, hetiang hian NIV in Bible a tih danglam dan ilo en the ang; –
1. I Timothea. 3;16- He thu hi Isua Krista chu Pathian a nihna sawi chiang bertu a ni a, KJV chuan ‘hnialruallohin a ropui a ni tiin Pathian chu tisa ah alo chang a ‘a tih laiin NIV chuan a hmalama Pathian chungchang sawi hauh si loin ‘He‘ tia bul tanin ‘He appeared in a body‘ a rawn ti a, ETRV chuan ‘Christ was shown to us in human form‘ tiin a sawi a, Contemporary English Version phei chuan ‘Christ come as a human’ tiin a sawi nghe nghe a ni. Engvanginnge NIV hian ‘He’ tia a rawn sawi? ‘He’ tih chu Pathian chauh pawh niloin midang sawi nan pawha a hman theih vek avangin a dik lo hul hual a, NIV hian awmze neiloin a kailek a ni.
2. Philippi. 2;6 – He lai thuah pawh hian KJV chuan Isua Krista Pathianna chu a rawn puang nawn lehin ‘A ni chu Pathian nihna neitu nimahsela, Pathian tluka awm tlat thei ah a in ruat lo a‘ a ti a, NIV chuan ‘A ni chu Pathian thilsiam neitu a ni a, Pathian tluka awm chu a ngaihtuah lo a‘ a ti a, NIV hian Isua Pathianna hi hnuaihnung takin a rawn dah leh a ni.
3. Luka. 2;33 – Thu hi KJV chuan ‘And Joseph and His mother marvelled at the those things which were spoken of Him‘ a ti a, hei hi English Bible dang – Geneva, EBR, ERV, DRC, YLT, Amp, DARBY, Bishops, ESV, AKJV, RV, ARV, NASB, ACV, ESV,etc te pawhin an ziak dan vek a ni a, CEV phei chuan ‘Jesus’s Parents’ tiin a ziak a, ETRV pawhin ‘Jesus’s Father and mother..’ tiin a ziak bawk a ni. Nimahsela, NIV erawhchuan ‘The Child’s father and mother marvelled at the what was said about him‘ tiin a ziak thung a, engvanga NIV hian ‘Child’s father and mother’ tia ziak kher nge a nih? NRSV (Catholic Edition) pawhin NIV ziak dan ang hian ‘Child’s father‘ tiin a ziak ve bawk a, tu nge ‘Naupang pa‘ chu ni ta ang le? The Living Bible erawh chuan ‘Joseph and Mary..’ tiin a dah thung a, a dik viau mai. Naupang pa chu Joseph-a chu emni ni ta ang le? A nih chuan Joh. 3; 16 a ‘Isua Krista chu Pathian Fapa a tih hi kan ring dawn lo tihna em ni? Lk. 2; 43 thu a ‘a nu leh pa te‘ a tihte hi han en bawk ila engtinnge kan ngaih dawn tak le?
4. Kolossa. 1; 14 – KJV in ‘In whom we have redemtion Through His blood, the forgiveness of sins‘ tia Isua thisen a dah pawimawh em em laiin NIV erawh chuan a pawimawh lai ber – ‘Through His blood‘ chu paihin ‘In whom we have redemtion, the forgiveness of sins‘ tiin a ti danglam ta a, Isua thisen pawimawhna chu a dah pawimawh lo hle mai hi thilmak tak a ni. Heb. 9;22 ah ‘Thisen chhuak loin ngaihdamna a awm lo‘ tih nen chuan in hlat tak a ni.
5. Johana. 3; 16 – ‘For God so loved the world that he gave his one and only Son‘ tiin NIV chuan a ziak a, NIV ziak ang hian ‘Only Son’ tiin LB, ESV, RSV, ESRV, CEV, Coverdale, Massage, WEB, Tyndale, etc te chuan an ziak ve bawk a, ‘Only begotten Son‘ tiin ARV, Amp, RV, EBR, AKJV, Bishops, ASV, Geneva, DRC, Darby, YLT, NASB, etc chuan an dah a, ‘Begotten Son‘ tiin KJV leh NKJV te chuan an dah bawk a ni. ‘Only Son’ tia ziak hi hmun dangah te pawh kan hmu tho a, Lk. 3; 38 ah ‘Adama pawh ‘Son of God’ tih a ni a, Job. 1;6 ah te Phil. 2;15 leh I Joh. 3;2 ah te pawh ‘sons of God’ tih kan hmu bawk a, nimahsela Isua erawh chu ‘Only begotten Son’ a ni.
Engvanginnge NIV te hian ‘Begotten Son’ tih hi hmaih tlat nge an nih? An hmaih lui zawk nge? Hetiang bawk hian Joh. 1; 14, 18, leh Joh. 3; 18 thu te pawh hi tihdanglam tho bawk a ni.
6. Marka. 1;2, 3 – ‘Zawlnei Isaia Lehkhabu ah……..’ tia a rawn ziak hi NIV chauh ni loin English Bible dang ; RV, ETRV, RSV, Amp, ESV, LB, Darby, ASV, CEV, ERV, Massage, DRC, NASB, Mizo Bible, etc te pawhin an ziak ve tho mai a, hei hi ziah sual a ni. Isaia buah a awm lo a, Zawlnei Malakia 3; 1-ah a awm zawk. English Bible dang ARV, ERV, KJV, NKJV, AKJV, Bishops, EBR, Coverdale, Geneva, Tyndale, YLT, WEB, ACV, etc te chuan ‘Prophets’ tih ringawt in an ziak thung a, ziak dik lo ngawt ai chuan pawm a hahdam zawk a ni.
7. NIV hian ‘Hell‘ tih hi a ziak lang lo! KJV hian O.T ah ‘Hell‘ tih hi vawi 31 a sawi a, NIV thung chuan vawikhat mah a sawi lo a ni. NIV ah chuan ‘Hell’ tihchu a awmve lo tihna a nih chu..! A nih leh Hell tih chu engtinnge a sawi ve tak? Sam. 9;17 ah chuan ‘The wicked return to the grave’ tiin a dah thung. Thlan (grave) leh Hremhmun (hell) chu a in ang dawn em ni? NIV hian awmze nei loin a chhuah a ni. NIV hian ‘Grave’ tia a ziak lai hian ‘Hell’ tiin Geneva, KJV, AKJV, Bishops, Coverdale, Massage, NKJV, etc te chuan an ziak thung a, NASB, ACV, ASV, WEB, Darby, Amp, ERV, ESV, YLT, etc te chuan ‘Sheol’ tiin an ziak bawk a ni. EBR chuan ‘Hades’ tiin a ziak bawk a ni. Thuthung Thar ah pawh NIV hian hmun riat lai ah ‘Hell‘ tih chu a ziak lang lo leh a (Mat. 11;23, 16;18, Lk. 10;15, 16;23, Thup. 1;18, 6;8, 20;13, 14). A thianfai nge, hriatthiam turin a ti tunlai zawk?
Hmun 13 laiah ‘Hell’ tih chu tidanglam loin a dah a (Mat. 5;22, 29, 30, 10;28, 18;9, 23;15, 33, Mk. 9;43, 45, 47, Lk. 12;5, TT. 9;29, Jak. 3;6, II Pet. 2;4) hmun nga-ah erawh ‘Hell‘ tih chu ‘Hades‘ tiin a thlak danglam bawk a ni. ‘Grave’ tia a ziakna hmun 5 laiah kan hmu bawk (Mat. 23;29, Lk. 11;44, Joh. 5;28, 11;44, Rom. 3;13) Hades tih chu Webster’s New Collegiate Dictionary chuan ‘The underground abode of the dead in Greek MYTHOLOGY‘ (Grik Lasi thawnthua leihnuai a mitthite awmna hmun) tiin a sawifiah a, chutiang chuan NIV chuan Lasi Thawnthu ang maiin min tihdanglam sak ta a ni….!
K.J.V LEH N.I.V DANGLAMNA: Engvanginnge Isua Leiah a rawn kal? Lk. 9;56 – Mihring fapa hi mite nunna tiboral tur ni lo in, chhandam tur zawk a lo kal a ni a ti a, tichuan khaw dang ah an kal ta a – KJV
Tin, khawdang ah an kal ta a – NIV
Mat. 18;11 – Mihring Fapa hi boralte chhanchhuak tura lo kal a ni – KJV
NIV – a ziak ve lo
Simna hi a pawimawh a ni lawmni? Mat. 9;13 – Mi fel takte lam tura lo kal ka ni lo a, mi sualte zawk lam a, sim tir tura lokal ka ni – KJV
Mi fel takte ni loin mi sualte lam tura lo kal ka ni zawk – NIV
Tute tan nge Isua a thih? I Kor. 5;7 – Kan kalhlen kutna Isua Krista ngei pawh chu kan tan hlanin a awm tawh si a – KJV
Krista, kan kalhlen kutna Beramno chu hlanin a awm ta si a – NIV
Chhandamna turin tunge rin tur? Joh. 6;47 – Tih tak meuhin, tih tak meuhin ka hrilh a che, tupawh mi ring chuan Chatuana Nunna a nei a ni – KJV
Thudik tak ka hrilh ang che, amah ringtu chuan Chatuan Nunna a nei a ni – NIV
Josepha hi Isua pa diktak a ni em? Lk. 2;33 – Josepha leh a nu chuan chung thil a sawi avang chuan mak an ti hle a – KJV
Naupang pa leh a nute chuan a chungchang sawi avangin mak an ti hle a – NIV
Isua kha a zirtirte hnenah tihdam theihna a pe em? Mk. 3;15 – Damlote tidama ramhuaite hnawtchhuak turin thiltihtheihna a pe a – KJV
Ramhuaite khalhchhuah theihna turin thuneihna a hlan a – NIV
A harsat miau chuan kan la bo mai dawn emni? Mk. 11;26 – Nimahsela, in ngaihdam si loh chuan, in Pa vana mi pawhin in bawhchhiatnate a ngaidam bik lo ang – KJV
NIV – a ziak ve lo
Tunge a neitu chu? I Kor. 10;28 – Leilung leh a chhunga thil awm zawng zawng hi Lalpa ta a ni – KJV
NIV – Helai thu tak hi a hmaih tlat!
Engtinnge i hmelma nen in inrem ang? Mat. 5;44 – In hmelmate chu hmangaih ula, anchhelawhtu che u chu malsawm ula, nangmahni haw tu che u chu ti tha ula, diriamtu leh tiduhdahtu che u chu tawngtai sak rawh u – KJV
Nimahsela ka hrilh a che. In hmelmate chu hmangaih ula, tihduhdahtu che u chu tawngtai sak rawh u – NIV
Isua chu khawiahnge a kal dawn? Joh. 16;16 – Reilote hnuah, nang nin mi hmu lo ang a, reilote hnuah nang nin min hmu leh ang, a chhan chu Pa hnena ka kal dawn a vangin – KJV
Reilote hnuah min la hmu lo ang a, a hnu reilote ah min hmu leh ang – NIV
TLANNA THU AH ; – Luka. 9; 56
KJV; Mihring Fapa hi mite nunna ti boral tura rawn kal niloin, chhandam tur zawka rawn kal a ni a ti a. Tichuan khawdangah a kal ta a
NIV; Tichuan A zirtirte nen chuan khawdangah an kal ta a.
Matthaia 18 ; 11
KJV; Mihring Fapa hi mi bo te chhanchhuak tura rawn kal a ni si a
NIV; A CHANG PUMIN A ZIAK VE LO!
Matthaia 9; 13 KJV; Chuvangin ‘inthawina aiin khawngaihna ka duh zawk e’ tih hi a awmzia va zir rawh u. Mi fel tak te lam tura rawn kal ka ni lo va, mi sual zawk te lama, sim tir tura rawn kal ka ni zawk a sin” a ti a
NIV; Inthawina duh loin khawngaihna ka duh e tih hi va zir rawh u, mifel te lam tura rawn kal ka ni lo va, misual te zawk lam tura ka ni a ti a
Tirhkohte 8;37
KJV; Phillipa chuan ‘I thinlung zawng zawnga i rin chuan i chang thei ang chu‘ a ti a. A ni chuan a chhang a, ‘Isua Krista hi Pathian Fapa a nih ka ring e‘ a ti a
NIV; A ZIAK VE LO
Tirhkohte 9;5
KJV; Tin, a ni chuan “Lalpa, tunge i nih?” a ti a, Lalpa chuan “Keimah, Isua i tihduhdah hi ka ni; chhunna thir i kheng na thlawn e” a ti a
NIV; Saula chuan “Lalpa, tunge i nih?” tiin a zawt a, A ni chuan “ I tihduhdah Isua ka ni e “ tiin a chhang a
Kolossa 1;14
KJV; a thisen avang chuan amahah tlanna kan chang ta, kan sualte ngaihdamna chu
NIV; Tlanna kan nei ta, sualte ngaihdamna chu
Galatia 6;15
KJV; Krista Isuaah chuan siamtharlehna a nih chauh loh chuan, serhtanin awmzia a nei lo a, serhtan lohin awmzia a nei hek lo
NIV; Kan Lalpa Isua Krista Kross telloin ka inchhuang ngai lo dawn em ni? Chumi kaltlangin khawvel hi ka tan khenbehin a awm a, keipawh khawvel tan khenbehin ka awm a ni
Galatia 4;7
KJV; Chuvangin bawih i ni tawh lo a, fapa i ni zawk e; fapa i nih avangin, Krista zara Pathian roluahtu tur i ni
NIV; Chutichuan, bawih i ni tawh loin Pathian fa i ni tawh zawk e, a fapa i nih atangin Pathianin a roluah tu atan a siam che a ni
Galatia 3;17
KJV; Heti hian ka’n sawi ange; Pathianin thuthlung, Kristaa a lo tihngheh tawh chu, a hnu kum zali leh sawmthuma dan lo awm leh ta khan thiatin, a nuai bo thei lo
NIV; Heti hian ka han sawi ange; dan, kum zali leh sawmthum lai hman tawh hnu, Pathianin thuthlunga a tih nghet loin thutiam nen a la bo ta a
I Korinth 9;18
KJV; Ka lawmman chu enge? Hei hi a ni; hlawh phut lo a, a thlawna Chanchintha ka hril te, Chanchinthaa ka thuneihna keima hlawk nana ka hmang ve lo te hi a ni a sin
NIV; Ka lawmman chu enge? Hei hi a ni; a thlawna chanchintha ka hrilhna te leh ka dikna pawh hmang lo a chanchintha ka hrilhna te hi a ni a sin
Rom 1;16
KJV; Krista Chanchintha chu ka zahpui silo a, tupawh a ring apiangte tan chhandamna tura Pathian thiltihtheihna a ni si a, a hmasain Juda mi tan a ni phawt a, Grik mi tan pawh a lo ni leh a
NIV; Chanchintha chu ka zahpui si lo a, a chhan chu a ring apiangte chhandamna tura Pathian thiltihtheihna a ni si a, a tirin Juda mite tan a ni a, a hnu ah Jentail te tan a ni leh a
Johana 6;47
KJV; Tihtak zetin ka hrilh a che u, tupawh mi ring chuan chatuana nunna an nei tawh
NIV; Tihtakzetin ka hrilh ang che, a ringtu chuan chatuan nunna a nei tawh
I Petera 4;1
KJV; Chutichuan, Krista’n tisaa a tuar avangin nangni pawh chutiang rilru chuan inthuam ve rawh u; tisaa tuar tawh chuan sual a bansan tawh si a
NIV; Chutichuan, Krista’n a tisaa a tuarna avangin nangni pawh chutiang chuan awm ve rawh u, a chhan chu a taksaa a tawrhna chu sual hnehna a ni si a
I Korinth 5;7
KJV; Chuvangin dawidim telh loh in ni ang tak khan, chhang hlawm thar in lo nih theih nan, dawidim hlui chu thianfai rawh u. Kan kalhlen Kutna, Krista ngei pawh chu, inthawi nan kan tana hlan a ni tawh si a
NIV; Dawidim hlui – nangmahni taka chu la boin Krista, kan kalhlen kut Beramno chu hlanin a awm tawh si a
I Johan 5;13
KJV; Nangni Pathian Fapa hming ringtute hnenah heng thu ka ziak chhan chu, chatuana nunna in nei tih in hriat theih nan leh, Pathian Fapa hming in lo rin zel theih nan a ni
NIV; Nangni Pathian Fapa hming ring tute innih avangin heng thu te hi ka ziak a ni, chatuana nunna in nei tih in hriat avangin
Ephessi 4;6
KJV; Pathian pakhat leh mi zawng zawng Pa chu a awm a, ani chu mi zawng zawng chunga mi, mi zawng zawng kaltlang, engkim chhunga awm bawk chu a ni
NIV; Pathian pakhat leh mi zawng zawng Pa a awm a, a ni chu engkim chunga awm a niin engkim kaltlangin engkim ah a awm a ni
Thupuan 21;24
KJV; Hnamtin atanga a chhandamte chu a engah chuan an leng anga, leia lalte chuan an ropuina leh zahawmna an rawn luhpui ang
NIV; Hnamtinte chu a engah chuan an kal anga, Leia lalte chuan an ropuina chu an la lut ang
Tirhkohte 28;29
KJV; Chung thu a sawi zawh chuan, Juda te chu nasa taka anmahni leh anmahni inhnial chungin an tin ta a
NIV; A CHANG PUMIN A ZIAK VE LO
KRISTA CHATUAN NUNNA THU AH ; –
Mika 5;2
KJV; Ngai teh, Bethlehem Ephratha, Juda sang tam tak zingah te hle mah la, nangmah atangin Israel chunga rorel tu tur alo chhuak dawn a ni. A ni chu chatuan atanga rawn kal a ni.
NIV; Nimahsela, nang Bethlehem Ephratha, Juda thlahte zingah te hle mah la, nangmah atangin Israel hnam chunga rorel tu tur a rawn chhuak dawn si a
KRISTA PATHIANNA THU AH : –
I Timothea 3;16
KJV; Pathian nihna thuruk ropui zia hi hnial rual a ni lo; Pathian chu tisa ah a rawn chang a Thlarauin thiam a chantir a Vantirhkoh ten an hmu a Jentailte zinga tlangaupui a ni a Khawvel miten an lo ring a Ropuina ah hruaichhoh a ni
NIV; Pathian nihna thuruk hi hnial rual a ni lo; A ni chu tisain a inlan a Thlaraua thuam chantir a ni a Vantirhkohten an hmu a Hnamte zinga tlangaupui a ni a Khawvel miten an ring a Ropuina hmuna lakbo a ni
Philippi 2; 5,6
KJV; Krista Isua rilru ang hi nangni pawhin lo pu ve rawh u. A ni chu Pathian ni reng mahsela Pathian tluka awm tlat thei ah a inruat lo a
NIV; Krista Isua angin nangni pawh awm ve rawh u. A ni chu Pathian kutchhuak neitu nimahsela, Pathian tluka awm chu a ngaihtuah ngai lo a
I Johan 5; 7,8
KJV: Vanah hriatpui tu pathum an awm; Pa leh Thu leh Thlarau Thianghlim te an ni a; heng pathum te hi pumkhat an ni
(8) Leiah hriatpui tu pathum an awm bawk a, Thlarau, Tui leh Thisen te an ni; chung pathum te chu pakhatah an in thurual a ni
NIV; Thiam chantirtu tur pathum an awm a; (8) Thlarau, Tui leh Thisen te chu, an pathum chuan an in thurual a ni
I Petera 3;15
KJV ; In thinlungah Lalpa Pathian chu serh hrang ula…….
NIV ; In thinlungin Krista Lalpa chu hmun buatsaih sak ula..
Juda 25
KJV; Min Chhandamtu Pathian finga hnenah chuan chawimawina te, ropuina te, rorelna te leh thiltihtheihna te tunah leh kumkhua pawhin awm reng rawh se. Amen
NIV; Kan Chhandamtu Pathian hnenah chauh chuan chawimawina te, ropuina te, thiltihtheihna te leh thuneihna te chu kan Lalpa Isua Krista zar ah chatuan ata tun hun leh chatuan thlengin awm reng rawh se. Amen
Tirhkohte 15;18
KJV; Khawvel siamtirh ata heng thu hriattirtu Pathian chuan a ti e
NIV; Chatuan chuan a hriattir a
KRISTA AH CHUAN PATHIAN NIHNA CHU TIHFIAH A NI ;-
Thupuan 20;12
KJV; Mitthi chu, mi te leh lian te pawh Pathian hmaa ding ka hmu a….
NIV; Mitthi chu, mi lian leh te te pawh Lal Thutthleng hmaa ding ka hmu a…..
Hebrai 10;30
KJV; Phuba hi keima lak tur a ni, keiman ka la thungrul ang Lalpa’n a ti a…
NIV; Phuba lak hi ka tihtur a ni, keiman ka la thungrul ang
Thupuan 14;5
KJV; An ka atangin dawt thu reng a chhuak ngai lo. Pathian lalthutthleng hmaah meuh pawh sawiselbo an ni si a
NIV; An ka ah dawt thu reng a awm lo, sawiselbo an ni si a
KRISTA CHU SIAMTU A NI ;-
Ephessi 3;9
KJV; …… Chatuan atanga alo thup kumkhua tawh, Isua Krista zara engkim siamtu Pathianin…
NIV; Chatuan atanga engkim siamtu Pathianin alo thup tawh…
KRISTA, PATHIAN FAPA ; –
Ephessi 3;14
KJV; Hei vang tak hian kan Lalpa Isua Krista Pa hnenah chuan thingthiin ka kun thin a
NIV; Hei vang hian Pa hmaah chuan ka thingthi thin a
Johana 9;35
KJV; Pathian Fapa i ring em? a ti a
NIV; Mihring Fapa i ring em? a ti a
Tirhkohte 3;13
KJV; Kan pa, Pathian chuan a Fapa Isua chu a chawimawi ta a nih hi
NIV; Kan pa, Pathian chuan a chhiahhlawh Isua chu a chawimawi ta a nih hi
Tirhkohte 3;26
KJV; Pathianin a Fapa Isua chu a tungding a……
NIV; Pathianin a chhiahhlawh chu a tungding a…..
Matthaia 24;36
KJV; Ka Pa chauh lo chuan….
NIV; Pa chauh lo chuan…..
Johana 6;69
KJV; Krista, Pathian nung Fapa chu i ni tih kan hria a kan awih tawh bawk a ti a
NIV; Pathian Mithianghlim Pakhat ini tih chu kan ring a, kan hre bawk a ti a
NULA THIANGHLIM ATANGA PIAN THU; –
Luka 2;33
KJV; Josepha leh a nu chuan chung thil a sawi avang chuan mak an ti hle a
NIV; Naupang pa leh a nute chuan a chungchang sawi avangin mak an ti hle a
Luka 2;43
KJV; Josepha leh a nu chuan an hre si lo a..
NIV; A nu leh pa te chuan….
KRISTA PIAN THU KAIHHNAWIH AH ;-
Luka 1;28
KJV; Lalpa i hnenah a awm, hmeichhia a zawngah i nihlawh e
NIV; Lalpa i hnenah a awm e
Matthaia 1;25
KJV; fapa hmasaber a hrin hma loh zawng….
NIV; fapa a neih hma loh zawng…..
KRISTA PATHIANNA AH;-
Ephessi 5;30
KJV; Ama taksa ngei, a ruh leh tisa te chu kan ni si a
NIV; a taksa pengte kan ni si a
Tirhkohte 2;30
KJV; tisa danin a thalbe atanga lo chhuak, a a lalthutthlenga Krista thu tur chu….
NIV; a lalthutthlenga a thlah zinga mi la thu tur…..
I Johana 4;3
KJV; thlarau engpawh Isua Krista tan lo chu Pathian laka mi a ni lo
NIV; eng thlarau pawh Isua pawm lo chu Pathian atanga chhuak a ni lo
KRISTA HMUNTINA AWM THU; –
Johana 3;13
KJV; vanah tumah an lawn ngai lo, van atanga lo chhuka chauh lo chu, chu chu vana awm mihring Fapa hi a ni
NIV; vanah tumah an chho ngai lo, van atanga lo chhuk Mihring Fapa chauh lo chu
KRISTA CHIBAI BUK NA ; –
Matthaia 9;18
KJV; ngaiteh, roreltu pakhat alo kal a, chibai a buk a
NIV; roreltu a lokala, a hmaah a thingthi a
Matthaia 8;2
KJV; ngaiteh, phar pakhat a rawn kal a, chibai a buk a
NIV; phar pakhat a rawn kal a, a hmaah a thingthi a
KRISTA THUNEIHNA ; –
Tirhkohte 15; 18
KJV; Khawvel siamtirh ata engkim a kutchhuak a ni tih hriatir thu Pathian chuan
NIV; chatuan ata hriattir a ni a
Johana 9; 4
KJV; mi tir tu hna ka thawk tur a ni
NIV; mi tir tu hna kan thawk tur a ni
Luka 2; 49
KJV; ka pa hnathawk tur ka ni tih i hre lo em ni?
NIV; ka pa ina ka tih tur i lo em ni?
Tirhkohte 7; 37
KJV; Lalpa, in Pathian chuan keimah mi siam ang hian in unaute zing ami zawlnei pakhat a siamsak ang che u, chumi thu chu lo ngaichang ang che u
NIV; Pathian chuan in mipui te atangin keimah ang zawlnei ala pe ang che u
KRISTA THILMAK TIH THU AH ;-
Johana 5; 4
KJV; dilah chuan a vantirhkoh a zuk chhuk thla a, dil tui chu a zu ti phul thin a, tui phul hnua dila chhuk thla hmasa ber chu eng natna vei pawh nisela an dam zel thin a ni
NIV; A CHANG PUMIN A ZIAK VE LO
Luka 8; 43
KJV; ……..a neih zawng zawng chu Damdawi thiamte lakah a hmang ral vek tawh si a, tumah lah chuan an tidam chuang si lo a
NIV; tidam theitu tumah a nei si lo a
Johana 11; 41
KJV; mitthi ruang dahna hmun atang chuan lung chu an la sawn a
NIV; lung chu an la sawn a
Marka 1; 31
KJV; ……a khawsik chuan a thlah nghal mai a
NIV; a khawsik chuan a kalsan a…..
Johana 6; 11
KJV; a zirtirte chu a sem a, chutiang bawkin a zirtirte chuan mipui thu te chu an sem ve a
NIV; Isua chuan an mamawh ang zel chuan thu te chu a sem hlawm a
Marka 6; 51 Isua chu Tuipui chungah kea a kala thlipui a reh hnuah chuan A zirtirte chuan…..
KJV; Mak an tiin a ngaihna reng an hre lo a
NIV; An zavai chuan mak an ti theuh a
Luka 9; 7
KJV; Heroda pawh chuan a thiltih zawng zawng pawh chu a lo hre ve a
NIV; Heroda pawh chuan a thiltih zawng zawng kal lai mek te chu alo hre ve a
Marka 6; 33
KJV; Mipuite chuan an kalchhuak tur chu an lo hmu a…
NIV; Mipuite chuan an kalsawn tur chu an hmu a, rem an ti a..
Marka 3; 15
KJV; Damlote ti dam a, ramhuaite hnawhchhuah theihna turin thiltihtheihna a pe a
NIV; Ramhuaite hnawtchhuak turin thuneihna a pe a
KRISTA CHU THLAMUANTU A NI; –
Luka 4; 18
KJV; Thinlung na te tuam dam tur leh salte hnena chhuahna thu hril turin min tir a
NIV: Tanina awmte hnena zalenna thu hril turin min tir a
Luka 8; 48
KJV; Lungawi takin awm ang che, I rinna hi i dampui e
NIV; I rinna i damphah a ni
Luka 10; 19
KJV; Eng thil mahin a ti na hauh lo ang che
NIV: Engmahin a ti na lo ang che
Luka 2; 14
KJV: mihringte hnenah remthu leng rawh se
NIV; Ami duhte hnenah chuan remna awm rawh se
KRISTA ZIRTIRNA LEH A THU;-
Matthaia 5; 44
KJV; I hmelma hmangaih la, anchhe lawh tu che chu malsawm la, nangmahni haw tu che u chu ti tha ula, hmusit tu che u leh ti duhdah tu che u chu tawngtai sak ula,
NIV; I hmelma chu hmangaih la, tiduhdahtu che u chu tawngai sak rawh u
Marka 11; 26
KJV; Nimahsela, in ngaihdam silo chuan in Pa vana mi pawhin in bawhchhiatna te a ngaidam bik lo ang
NIV; A CHANG PUMIN A ZIAK VE LO
Matthaia 20; 16
KJV; Tichuan a hnuhnung ber chu a hmasa ber ala ni ang, hmasa ber pawh hnuhnung ber ala ni ang. Sawmte chu tamtak a ni a, thlan te erawh chu tlemte a ni
NIV; Tichuan hnuhnung ber pawh hmasa ber ala ni anga hmasa ber pawh hnuhnung ber ala ni ang
Marka 6; 11
KJV; Tihtakzetin ka hrilh a che. Rorel niah chuan chumi khua in an tuar ai chuan Sodom leh Gomorra tuar tur chu a ziaawm zawk ang
NIV; A CHANG PUMIN A ZIAK VE LO
Matthaia 23; 14
KJV; Nangni dan zirtirtu te leh Pharisai vervek te u, in chung a pik e ! Hmeithai te sum eisak thup nana tlang bum nana thui tak tak in tawngtai thin a. Chuvangin nasa zawkin thiamloh inla chang ang.
NIV; A CHANG PUMIN A ZIAK VE LO
Marka 10; 24
KJV; Isua’n a chhang nawn leh a, an hnenah chuan ‘Naute u, Suma innghat mite tan Pathian lalrama luh hi a harsa takzet a ni’ a ti a.
NIV; Isua chuan chhang leh a, ‘Nau te u, Pathian lalrama luh chu a harsa takzet a ni’ a ti a .
Luka 4; 4
KJV; Isua chuan a chhang a,’ Mihring hi chhang chauhin a nung lo a, Pathian thu tinrengin a nung zawk’ tih ziak a ni a ti a
NIV; Isua chuan a chhang a,’ Mihring hi chhang chauhin a nung lo ‘ tih ziak a ni a ti a
Luka 9; 55
KJV; ……..eng thlarau nge in chan pawh in hriat loh hi
NIV; HELAI THU TAK HI A ZIAK VE LO
Marka 7; 16
KJV; Tupawh hriatna tura beng nei chuan hre rawh se
NIV; A CHANG PUMIN A ZIAK VE LO
Luka 20; 23
KJV; Engvanginnge min thlem le?
NIV; HELAI THU TAK HI A ZIAK VE LO
LEHKHAZIAK TUTE DIKLOHNA PAIH BOA THIAMLOH CHANTIR THU AH;-
Tirhkohte. 23; 9
KJV; Pathian do zawng chuan i che lo ang u
NIV; HELAI THU TAK HI A ZIAK VE LO
Johana 8; 9
KJV; a thusawi an hriat avang chuan an rilru ah inthiamlohna an lo nei ta a, a mal te tein an kalbo a
NIV; a hria apiang te chu an kalbo a
I Timothea 6; 5
KJV; chutiang mite lak atang chuan in thiar fihlim rawh u
NIV; HELAI THU TAK HI A ZIAK VE LO
Philippi 3; 16
KJV; rilru hmunkhat i pu zel ang u
NIV; HELAI THU TAK HI A ZIAK VE LO
Galatia. 3; 1
KJV; Thutak zawm thei lo turin tu in nge maw dawi a che u le?
NIV; Tu in nge dawi a che u?
Rom 14; 21
KJV; I unau ti petek a, tih thinura a chakloh phahna turin….
NIV; I unau a tluk phah lohna turin
Rom 10; 15
KJV; Remna chanchintha thlen tute ke chu a va mawi em !
NIV; Chanchintha rawn thlen tute ke chu ava mawi em !
II Korinth 2; 17
KJV; Mi tamak te tih ang loin Pathianthu hi dikloin kan hmang ve lo a
NIV; Mi tamtakte ang loin Pathianthu hi hlawk nana sumdawnna atan kan hmang ve lo a
ISUA THUSAWI NIV IN A HMAIH TE; –
Matthaia 15; 6
KJV; A nu leh pa chawimawi a tul tawh lo e
NIV; A pa chawimawi a tul tawh lo e
Matthaia 19; 9
KJV; mak hnu nei pawh uire a ni
NIV; midang neih pawh uire a ni
Marka 9; 49
KJV; thilhlan engpawh chi a al a ni ang
NIV; mitin reng te chu meia fiah anal ni ang
Marka 10; 21
KJV; Kross pu la mi zui ang che
NIV; lo kal la, mi zui ang che
Thupuan 2; 13
KJV; I thiltih pawh ka hria, I chenna hmun pawh….
NIV; I chenna hmun pawh ka hria..
Luka 4; 8
KJV; Isua’n a chhanga, a hnenah ‘ Setan ka hnung ah awm rawh ‘ a ti a
NIV; Isua’n a chhanga, ……
Marka 7; 8
KJV; Mihringte thurochhiah – heng no leh thleng silfai te leh chutiang thil dang tamtak te chu vawng tlat bawk si a
NIV; Mihring te thurochhiahte chu in vawng tlat si a
Marka 8; 26
KJV; Khawpui chhungah lut suh ula, khawpui chhung ami te pawh tumah hrilh suh u
NIV; Khua ah lut suh u
Matthaia 20; 7
KJV; Engang pawh nise, a awm tawk chu i hmu ang
NIV; HELAI THU HI A ZIAK VE LO
Matthaia 15; 8
KJV; Heng mite ho hian an kain min hnaih a
NIV; Heng mite ho hian an hmuiin mi chawimawi a
Marka 13; 14
KJV; Zawlnei Daniala lo sawi tawh ‘ ti tiautu tenawm……
NIV; Ti tiautu tenawm……
Matthaia 24; 7
KJV; Hmun hrang hrang ah tamte a tla anga, hri te a leng anga, lirte a nghing ang
NIV; Hmun hrang hrang ah tamte a tla anga lir te a nghing bawk ang
Luka 11; 11
KJV; Fa ten chhang dil che u sela tunge lung pe ang che u ?
NIV; Fa ten sangha dil che u sela tunge sangha aiah Rul pe ang che u ?
Matthaia 5; 22
KJV; Tupawh a unau chunga chhan awmlo a thinur apiang chu a chungthu rel a ni ang
NIV; Tupawh a unau chunga a thinrim chuan rorelni ah a chhan ngaihtuah a ni ang
ISUA THUSAWI NIV IN A TIHDANGLAM TE ; –
Matthaia 18; 22
KJV; Vawi sarih thleng ka ti lo a che, vawi sawm sarih hmun sarih thlengin ka ti zawk che a ni
NIV; Vawi sarih ka ti lo a che, vawi sawm sarih hmun sarih ka ti zawk a ni
Matthaia 6; 27
KJV; Nangni zingah ngaihtuahna avanga mahni san lam tawng khata ti sei thei in awm em ni ?
NIV; Tunge ngaihtuah hah vanga a nunna darkar khat a tisei thei awm che u ?
Luka 14; 5
KJV; Nangni zingah in sabengtung emaw bawngpa emaw khuarkhurum ah tla sela…
NIV; a fapa pakhat emaw bawngpa chu tuichhunchhuah ah tla sela chuan…..
Matthaia 11; 19
KJV; Finna chu a dik ziak a fate ah a lang si a
NIV; Finna chu a thiltihin a dikzia a tilang si a
Matthaia 19; 17
KJV; Engvanginnge thiltha ti tura mi koh le ?
NIV; Engvanginnge thiltha chungchang min zawh tak mai le ?
Johana 14; 2
KJV; Ka pa inah chenna in ropui tam tak a awm si a
NIV; Ka pa inah awmna tur pindan tamtak a awm si a
Marka 14; 24
KJV; Hei hi ka thisena Thuthlung thar chu a ni
NIV; Hei hi ka thisena thuthlung chu a ni
Luka 6; 48
KJV; Lungpui chunga sak a nih vangin…NIV; Tha taka sak a nih avangin…..
Luka 9; 62
KJV; Pathian lalram mi nitlak an awm lo….
NIV; Pathian lalram a thawk tlak an awm lo
NIV IN THUMAL A TIHDANGLAM TE; –
Thupuan 8; 13
KJV; Vantirhkoh
NIV; Mupui
Ephessi 5; 9
KJV; Thlarau
NIV; Eng
Luka 4; 44
KJV: Galili a biakin ah
NIV; Judai rama biakin ah
Hebrai 9; 11
KJV; Thiltha lo la awm tur
NIV; Thiltha te chu hetah a awm reng a
Luka 11; 41
KJV; Inneih sa atang khan mi rethei tanpui ta che u
NIV; Khuhhriang ah chuan enge awm a ?
Kolossa 4; 8
KJV; Nangmahni lama a chakna hriatna NIV; kan chanchin in lo hriat
Thupuan 22; 14
KJV; a thupek zawm tute
NIV; An kawrfualte sufai tute
Thupuan 5; 10
KJV; Kan Pathian tan lal leh puithiam ah te i siam si a
NIV; Anni chu kan Pathian tan lalram leh puithiam ah te i siam si a
Thupuan 13; 1
KJV; Tuifinriat tiaupho ah chuan ka (Johana) ding a
NIV; Tuifinriat chungah chuan Dragon chu a ding a
KRISTA CHATUAN HREMNA ZIRTIRNA THU AH;-
Marka 9; 45
KJV; Mei mit tawh ngai lohna hmun
NIV; A ZIAK VE LO
Marka 9; 44
KJV; an lung te thih theihlohna hmun leh mei mit tawh ngai lohna hmun chu
NIV; A CHANG PUMIN A ZIAK VE LO
Marka 9; 46 KJV; chu hmun chu a ni an lung te thih theihlohn hmun leh mei mit tawh ngai lohna hmun chu
NIV; A CHANG PUMIN A ZIAK VE LO
Johana 3; 15
KJV; an boral loh a..
NIV; A ZIAK VE LO
Luka 10; 15
KJV; Mitthi khua thlenga paihthlak i ni dawn si a
NIV; Leichhungrilah ila kal dawn si a
Marka 3; 29
KJV; Chatuana thiamloh channa hmun hlauhawm tak chu…
NIV; Chatuana suala thiamlohna chu….
II Petera 2; 17
KJV; Chung mite awmna tura ruatsak chu thim chhahmup chu a ni
NIV; Thim chhah ber chu an tan ruatsak a ni
I Thessalonika 2; 16
KJV; A tawpah zawng thinurna chu an tawngbaw ta nge nge a ni
NIV; A tawpah chuan Pathian thinurna chu an chungah chuan a thleng ta a
Kolossa 3; 6
KJV; Pathian thinurna chu awilo fate chungah chuan a thleng thin a
NIV; Pathian thinurna chu a thleng mek a ni
II Petera 3; 10
KJV; Lei leh a chhunga hnathawh awm te chu a kang ral vek ang
NIV; Lei leh a chhunga engkim te chu ala ruak vek ang
KRISTA’N CHAWNGHEI LEH TAWNGTAI A ZIRTIR THU AH;-
Marka 13; 33
KJV; Fimkhur ula, inring rengin tawngtai rawh u, eng hun nge tih in hre si lo a
NIV; In veng ula, fimkhur rawh u, alo kal hun tur chu in hre dawn si lo a
Marka 9; 29
KJV; Hetiang hi tawngtai lei chawnghei chauh lo chuan engtinmah a chhuak thei lo
NIV; Tawngtaina atang chauhin a chhuak thei a ni
Matthaia 17; 21
KJV; Englekhawle, hetiang hi tawngtaina leh chawnghei na atang chauha chhuak thei a ni
NIV; A CHANG PUMIN A ZIAK VE LO
Tirhkohte. 10; 30
KJV; Tun darkar thleng hian chaw ka nghei a
NIV; Tun darkar thleng hian inah ka tawngtai a
Luka 11; 2
KJV; Kan pa, vana mi, I hming zahawm rawh se, I ram lo thleng rawh se, vana mi ten an tih angin leia mi ten ti ve rawh se
NIV; Pa, I hming zahawm rawh se, I ram lo thleng rawh se
Matthaia 6; 13
KJV; Thlemna ah min hruai lut suh la, misual lakah chuan min chhandam zawk ang che. Lalram te, thiltihtheihna te leh ropuina te chu chatuanin i ta a ni sia
NIV; Thlemna ah min hruai lut suh la, misual lakah chuan min chhandam zawk ang che
KROSS, HREHAWM TAWRHNA, KHENBEHNA LEH THAWHLEHNA THU AH;-
Johana 5; 16
KJV; Isua chu tinawmnah a, tihhlum dan tur an zawng ta a
NIV; A ZIAK VE LO
Luka 11; 54
KJV; Tawng awhtir tumin an chang reng a
NIV; A ZIAK VE LO
Johana 13; 23
KJV; A zirtir zinga pakhat chu Isua awm nghengin thu a..
NIV; A zirtir zinga pakhat chu Isua sirah chuan a thu awn a
I Korinth 11; 24
KJV; Hei hi ka taksa, in tana kehsawm tur chu a ni
NIV; Hei hi ka taksa, in tana pek tur chu
Luka 22; 64
KJV; A hmai ah an beng a
NIV; HE LAI THU HI A ZIAKVE LO
Luka 22; 68
KJV; Zawt mah ila min chhang chuang lo anga min chhuah tir bawk chuang lo ang
NIV; Min chhang dawn lo em ni ?
Luka 23; 15
KJV; Chuvang chuan a hnen ah ka tir phei ang che
NIV; Kan hnenah a rawn tir phei a
Luka 23; 17
KJV; Kutnaah hian mi tu emaw ber chhuah chu a tul thin reng a
NIV; A CHANG PUMIN A ZIAK VE LO
Johana 18; 40
KJV; Barabba chu suamhmang a ni
NIV; Barabba chu helna chawkchhuak tu a ni
Luka 23; 23
KJV; Chung mite authawm chuan puithiam lal chu an vau hlawhtling ta a NIV; An au hlawhtling ta a
Matthaia 27; 24
KJV; He mifel thisen ah hian ka fihlim e
NIV; He mi thisen ah hian ka fihlim e
Marka 15; 28
KJV; Pathian lehkhathuin Bawhchhe tute zing ah an chhiar tel ta a tih kha alo thleng famkim ta a ni
NIV; A CHANG PUMIN A ZIAK VE LO
Matthaia 27; 35
KJV; Kross ah chuan an khengbet ta a, a silhfen te chu thumvawrin an insem a, chu thu chu Zawlnei in alo sawi lawk lo thlen famkimna tur a ni ; Ka silhfente an insem a, Ka kawr atan thum an vawr a
NIV; Kross ah an khengbeh hun chuan a thawmhnaw te chu thumvawrin an insem ta a
Luka 23; 38
KJV; Grik tawng te, Latin tawng te leh Hebrai tawng te a ziak a ni a
NIV; A ZIAK VE LO
Tirhkohte 2; 27
KJV; Ka thlarau mithi khua (hell) ah i hnutchhiah lo ang a
NIV; a chhan chu thlan khur (grave) ah khawharin min kalsan lo ang
Tirhkohte 2; 31
KJV; A thlarau mitthi khua (hell)ah hnutchhiahin a awmlo
NIV; Thlan khur (grave) ah a hnutchhiah lo ang
Luka 24; 42 KJV; Tichuan sangha hem hmin hrang khat leh khawizu an pe a
NIV; Sangha hem hmin hrang1 khat an pe a
KRISTA CHAWIMAWINA THU AH;-
Johana 16; 16
KJV; Reilote hnu ah, min hmu lo anga, reilote hnu ah bawk min hmu ang, a chhan chu Pa hnena ka kal dawn vangin a ni
NIV; Reilote hnu ah min hmu lo anga, reilote hnu ah