MDM buatsaih music video, audio leh film te lei theihna tur application ‘Thulkhung’ chu nizan hmasa khan Chief Minister Zoramthanga’n a tlangzarh.
Chief minister chuan thulkhung apps a hawn chu zai mite tan mai nilo zo hnahthlak tawh phawt tan chuan a la hlut tur zia sawiin mipuite pawhin zai mite duhsak a, a thlawn ringawt a an hlate neih tum lova an lo din khawchhuahna tur platform tha tak lo awm hmang a zaithiam kan tite tan a luang chhuak ve turin a sawm a, hetiang application tha tak tunlai mil a siam chhuah a lo ni ta hi a lawmawmzia sawiin zoram mipuiten tangkai tak a hlawk nan a hmang theuh turin mipuite a ngen.
He thulkhung application hian tunlai a zaithiam lar tak tak Zaii Hauchhum, David Darlong (Mizo Idol 2022 top 3), Zorinzuali khiangte leh Jeny Zathang (fans ngha tak) mai ten Music video tuma la en loh leh hmuh loh chu lei theih turin an rawn dah thar a, heng music video te hi he Thulkhung apps ah lo hi chuan Youtube emaw, apps dangah hmuh tur a awm dawn loh avangin anmahni ngainatu leh an music video hmuhnawm tak takte en duh chuan www.thulkhung.com ah application download-in mahni phone-ah thulkhung apps player chhawm changkang tak hmangin I duh hun hunah a ngaihthlak theih reng tawh dawn a ni.
He thlukhungah hian MDM member ni lo, zaimi leh music lam tui tu tan pawh dah man awm miah lo leh buaipui ngai miah lovin inthlahrung lova dah zel theih a ni a, Film thar siam mekte pawhin percent tha tak nei turin film a dah zel theih bawk.