Chakma Autonomous District Council (CADC) inthlana vote tlate chhiar tura ruat, counting official-te chu nimin khan Chawngte SDO (Civil) Office-ah briefing neihpui an ni.
Election Observer, Sports & Youth Services Department Director Lalnunhlua leh Assistant District Election Officer & Additional Deputy Commissioner, Lawngtlai Abraham Beirazi Khithie ten telpuiin, counting official-te tana hriat tur pawimawh hrang hrang an sawi a. Zonal Magistrate & Master Trainer, Bungtlang ‘S’ BDO Hmingmawizuala’n EVM-a vote tlate chhiar dan tur a sawifiah bawk.
CADC inthlan vawi 11-naa vote tlate hi vawiinah chhiar a ni dawn a. Counting hall pahnihah chhiar a ni ang a, Counting hall no. 1 – Chawngte SDO (C) Conference hall-ah vote chhiarna dawhkan 5 hun niin, Counting hall no. 2 – Chawngte SDO (C) Aadhaar Room-ah dawhkan 4 hun a ni thung.