Aizawl : Sericulture Department changtu, Minister Er. Lalrinawma’n nilaini khan Chawilung leh Baktawng khuaa Sericulture Department hmalakna a tlawh.
Minister chuan sericulture farmer-te chu tih tak zeta project hlawhtlin nana thawk turin a fuih a, an khaw chhungah eizawnna ngelnghet an neih theih nan leh an dinhmun chawisanna turin sericulture chu a pawimawh hle tih sawiin, hlawhtling taka pangang vulh turin sericulture farmer-te a fuih bawk a ni.
Chawilungah hian sericulture department-in Silk Samagra 2 hnuaiah Eri Project an kalpui mek a, chhungkaw 25-in eizawn nana hmang turin bul an tan a, Baktawngah hian chhungkaw 22-in zau khatah eizawn nan sericulture department hnuaiah hmalakna an kalpui mek bawk a ni.