Neflix series hit tak, ‘Emily In Paris’ changtunu Lily Collins inhualna zungbun $10,000 chuangzet man chu rukbosak a ni.
West Hollywood, Los Angeles-a a thlenna Hotel-a thil pawi thlengah hian Lily hi spa room lama hunawl a hman laiin, a zungbun hlu tak leh thawmhnaw thenkhat hi rukbo a ni a, a chhuah hma in safe storage-ah dah tha thlap mah se, rukchhuah a ni ta tho.
Los Angeles Police te chuan thil rukbo hi an ngai thutak hle a, manchhuah ngei tumin beihpui an thlak nghal a ni.
A thil hmuchhuah pakhatah chuan Lily thil dahna leh room hi tharum hmanga luhchilh a ni lo tih finfiah a ni tawh a, hei vang hian pawn lam mi ni lovin, chhung lam mi thil tih ni ngeiah an ngai.