Aizawl: Manipur-a Zo hnahthlak MLA 10-te chuan an state-ah Zo hnahthlakte tan inrelbawlna hran (separate administration) neih an duh thu an puang.
Zo hnahthlak MLA 10-te hian inthurualin thuchhuah an siam a, tuna Manipur-a buaina chhuak chu Meitei thiltih a nih thu te, he buaina hi Chin-Kuki-Mizo-Zomi te laka tharum thawhna a nih thu te, sakhaw hmun, in leh bungruate tihchhiat a nih bakah MLA te, minister te, pastor te, police leh civil officer te, mipui nawlpui te, nu leh an fate pawh zuah an ni lo tih an sawi a, Metei thil tih chu Manipur sorkar ding laiin a thlawp tih leh hei vang hian an mi, Zohnahthlakte chu Manipur-ah an awm thei tawh lo tih an sawi.
Manipur-a Zo hnahthlak MLA-te chuan mipuite aiawh tura thlan an nih angin, an mite rilru, politics thila an duhthusam, Manipur state atanga inlakhran an duhna chu an dinna a ni tih an sawi a, “Vanduaithlak takin Manipur state-in min hum thei lo a; chuvangin, Union of India hnenah Manipur state nena ralmuang taka inthenawm turin India danpui hmangin separate administration kan dil a ni,” an ti a ni.