Central YMA in Manipur-a Zohnahthlakte tanpuina tur buhfai leh thilpek dang an thawn.
Manipur-a Zohnahthlakte tanpuina tur hi |huampuia Ch Chhunga Bus Terminal atangin Central YMA President R Lalngheta’n Inrinni khan a vai liam.
Central YMA-in manipur-a tanpuina a thawn chhuahte hi buhfai 400 qtls, Rs 47,600 man hu dal leh Rs 64,000 man hu tel te niin, tanpuina thawn chhuahte hi truck phur hnih a ni.
May 9, 2023 khan Central YMA hian Manipur-ah tanpuina Rs 2,60,000 man hu buhfai, tel, alu leh dal a thawn tawh a. Tanpuina a pek chhuah tawh zawng zawng hlut zawng hi Rs. 11,91,600 (Nuai sawmpakhat singkua sangkhat leh zaruk) a tling tawh a ni.
Hetih lai hian Central YMA chuan Manipur tual chhungah chi leh chi inkara buaina nasa tak a chhuak a, harsatna nasa tak an tawh mek vanga Mizorama pur rawn chaw a, mipui ni tin mamawh lam nan Mizoram rawn hmang Zohnahthlakte hi an harsatna hriatthiam puia an bungrua, buhfai leh ni tin mamawhte chheprelh lo tur leh a man pangngai aia sanga hralh lo turin sumdawng leh dawrkai zawng zawngte an ngen a ni.