Iraqi khawpui, Baghdad bul lawka Sadr City-ah nimin khan car bomb tihpuah niin mi pali an thi a, mi 17 velin hliam an tuar bawk niin police leh damdawi ina thawkten an sawi.
Car hi Shia district-a hmun lun lai, bungrua second-hand an zawrhna bul chiaha hun a ni.
A puah chhan hi hriat a ni lo.
Iraqi sipai thuchhuahah chuan Baghdad khawchhak lama bazar beih tumna nia sawiin civil mi pakhat thiin mi 12-in hliam an tuar a, lirthei dang a kang nual niin an sawi ve thung.
Bazar hmun vel hi meikhu dum chhah tak takin a tuam a, ambulance a thleng thuai niin Reuters chuan a tar lang a. Police-ten a hmun hi an khar zui nghal bawk.
He thil titua inchhal an la awm lo va. He thil hi kumina Baghdad-a Islamic State mi pahnihin January thlaa bazara thihchilh bomb an tihpuahah mi 32 an thih hnua hetiang lam a thlen len leh ber a ni.
Iraqi khawpuiah hian kum eng emaw zat chu ni tin tharum thawhna rapthlak tak tak thleng thin a ni a; mahse, kum 2017-a Islamic State hneh an nih hnuah boruak a ziaawm tawh hle.
January thlaa thihchilhna thleng pawh hi kum thum chhunga a rapthlak ber tum a ni.