Aizawl: Minister of State Robert Romawia Royte-in, “Zirna a pawimawi hle a, mi mal, chhungkua leh khawtlang siam thatu a ni,” a ti.
A bial chhunga awm, Govt. Chhinga veng Middle School kum 60 (Diamond Jubilee) tlin lawmna a hmanpuinaah nimin khan Robert Romawia zirna chu chhungkaw dinhmun chawikangtu leh thiltihtheihna, hmasawnna thlentu a nih thu sawiin, taimakna leh chhelna nena zir duh tak tak tan retheihnain zirna a ngam lo tih a sawi.
Robert Romawia chuan computer thiam pawimawhna pawh sawiin, “Tunlai khawvel chu engkim computer-a innghat a nih tawh avangin a zirna lamah tan laka tharthawh leh a tul hle,” a ti.
Govt. Chhinga veng Middle School kum 60 (Diamond Jubilee) lawmpui nan school naupangte tan school jersey leh pawisa a hlan bawk.