Aizawl: Mizoram Pradesh Youth Congress Committee (MPYCC) president thar, Laltawnliana Sailo chuan kumin inthlanpuiah mi rinawm leh a ngaihna hria, an president Lalsawta kaihhruaina hnuaiah Pathianin hnehna a chantir ngei an rin thu leh mi harsa zawkte tan kawl a ên leh ngei an rin thu a sawi.
Nimin khan Congress Bhavan-ah thuthar thehdarhtute kawmin MPYCC president thar chuan, Mizoramin hun thim leh harsa tak tak a paltlang tawh tih a sawi a, tunah chuan Congress kaihhruai sorkarin nasa taka hna a lo thawh tawh zar kan zawh mek thu te a sawi.
Zoram hian hnathawk peihte kai chhuak tur kan mamawh tih sawi bawkin Laltawnliana Sailo chuan, “Corruption um bo kan mamawh a, hengte hi Pu Sawta ho hian kan theih ngei kan ring tlat a, Pu Lalsawta leh Congress party policy ‘|ang Puihna’ hmanga retheihna um bo a nih tih theih nan mi dik, Mr. Clean an tih, Pu Lalsawta kaihhruai Congress party hi lo thlawpa lo puibawm turin Mizo mipuite ka sawm tak meuh meuh che u a ni,” a ti.
Congress treasurer thar, MPYCC president kal chhuak ta, Dr Lalmalsawma Nghaka pawhin kumin MLA inthlanpui lo awm turah an party candidate ni turin Rs. nuai 100 tel tawktar thei sawm chhuak thei an nih loh thu leh sawm chhuak thei pawh nise an hotute duh dan a nih loh thu a sawi a. Congress party candidate turte chu huaisen taka pen chhuak tur an nih thu a sawi.