AZL: Aizawl Municipal Corporation chuan a hmun loa bawlhhlawh chhekkhawm titawp turin hma la a, Deputy Mayor R. Thanglura leh hotu dangten Thawhtanni khan Tuirial kawngdunga dan loa bawlhhlawh chhekkhawm, lei leh hralhna hmun te en.
Deputy mayor leh a thawhpuite hian a hmun lova bawlhhlawh hralh leh chhek khawmtute hi hremna lek nghal mai lovin a rang thei ang bera titawp turin an hriattir a, AMC SWM Bye-Laws, 2019 leh Mizoram Municipalities Acts, 2007 kalh a nih avangin Rs. 5,000 thleng chawitir theih a nih thute an hriattir.
AMC hotute chuan kawng laka an bawlhhlawh phurh hralh tura hlang thla lo turin bawlhhlawh paih motor khalhtute an hriattir nawn leh bawk a, hetiang ti thinte hi man an nih leh chuan an chungah dan angin action lak a nih tawh tur thu an sawi bawk.