Hmarchhaka state pathum – Assam, Meghalaya leh Tripura chu chhum chhah takin a tuam mek.
Nimin tuk khawvar tirh atangin Assam, Meghalaya leh Tripura-ah hian chhum a zing chhah hle a, khua pawh a hmuh that hleihtheih loh.
Indian Meteorological Department (IMD)-in data an tihchhuahah chuan Tripura khawpui, Agartala-ah chuan zing dar 8:30 khan metre 50-a hla bak mit lawngin a hmuh theih loh.
Assam-a Tezpur leh Dibrugarh khawpuiah pawh hetih hun lai tho hian metre 200-a hlaa mi bak a hmuh theih loh va. Guwahati khawpuiah pawh hetiang zata thui bak hi khua a thlir theih loh.
He chanchin ziah lai thleng hian thlawhna thlawk buai phah a la awm lo va; mahse, chhum zing nasa lutukah hian thlawhna thlawk tur thulh leh chhuah leh tum hun tihkhawtlai a ngai fo thin.
Rel kal vel erawh a buai phah thin bawk a, an chhuah hun tihkhawtlaisak an ni thin bawkg.