MZP-in nimin khan Mizoram Board of School Education (MBSE) hnuaia kumina HSLC exam-a top 10-a Mizo tlingte an chawimawi a. Chief Minister Zoramthanga’n a hmanpui.
Kumina HSLC exam-a top 10-a Mizo zirlai tling 14-te hnenah MZP chuan chawimawina thuziak leh Rs. 5,000 theuh bakah pangpar, MZP sash, MZP chanchinbu, Zofest 2022 souvenir leh Lalhmachhuana Zofa lehkhabu ziah, ‘Mizo History Khua’ te an pe.
Mizo zirlaite chawimawina hun hmanpuitu, chief minister chuan zirlaite chu an hlawhtlinna a lawmpui thu sawiin, zirna sang zawk an zirnaah theihtawp chhuah zui zel turin a chah.
Zu leh ruihhlo laka fihlim turin chief minister chuan a chah a. Zu chu taksa bakah rilru leh ngaihtuahna tichhethei a nih thu sawiin, “Sang tak thleng thei pawh hniam taka dah theitu a nih avangin tlansan a ngai,” a ti.
Chief minister chuan zirlaite chu talent an neih ang angte hmang thiam tura chahin, eng kawng pawh zawh sela beidawng lova beih a tul thu a hrilh a. Harsatna hrang hrang kara hlawhtlinna chang turin duhsakna a hlan.
Hnam rilru pu tur leh Zohnahthlak hnam hrang hrangte inunauna leh inpumkhatna tura MZP hmalakna pawh chief minister chuan fakin, Zofest an buatsaih thin pawh lawmawm a tih thu a sawi bawk.
Mizo zirlai HSLC top 10-a tling an chawimawite:
- Alicia Malsawmsangi (2-na), St. Paul’s HSS, Aizawl
- Deborah R. Lalhmingmawii (3-na), St. Joseph HSS, Aizawl
- Lalnunsangi (3-na), St. Joseph HSS, Aizawl
- Vanmalsawmsangi (4-na), Don Bosco School, Darlawn
- Esther Tingbiakmuani (4-na), Bethel Mission School, Champhai
- Lalremruati (5-na), AR ELLS School, Aizawl
- Vanlalrinawma (5-na), St. Joseph HSS, Aizawl
- Lalbiakmawii (6-na), St. Joseph HSS, Aizawl
- Isabel Daoki (7-na), St. Paul’s HSS, Aizawl
- Mary Lalchhanchhuahi (7-na) St. Paul’s HSS, Aizawl
- Elena Lalruatfeli (7-na), KD High School, Aizawl
- Vanlalhmangaihi (8-na), St. Joseph HSS, Aizawl
- Esther Zorinhluzuali (9-na), St. Joseph HSS, Aizawl
- R. Malsawmkima (10-na), St. Andrew’s School, Aizawl