Special Judge, POCSO Act chuan a fahrawn hmeichhe naupang vawi tam tak pawngsual thintua puh, Lalhriatpuia, Venglai, Darlawn chu thiam loh a chantir.
Court-in thuremna a tihchhuaha tar lan a nih danin Lalhriatpuia hian a fahrawn chu kum 11 mi a nih atangin tum eng emaw zat a nupui awm loh hlanin a pawngsual thin a, a pawngsual hnuhnun ber chu September thla, 2018 nia hriat a ni a. November 2, 2018 khan naupang nutei’n Darlawn Police Station-ah FIR thehlutin thubuai siam a ni.
Thubuai ngaihtuahtu, Special Judge (POCSO Act) Vanlalenmawia chuan thuhretu hrang hrangte a koh hnuah Nilaini khan thutlukna siamin Lalhriatpuia hi thiam loh a chantir a, central jail-ah dah luh nghal a ni a, court chuan vawiinah hremna tur a puang ang.
POCSO dan hnuaiah chuan thiam loh chantirte chu kum 10 aia tlem lo hremna pek tur a ni a, dam chhung thleng pawhin tang turin a hrem theih bawk.