Aizawl : AH & Ve- ty deptt. hotu ten tun- hnaia Vawk pul hri Af- rican swine fever (ASF) avanga Vawk engem- awzat thihna Champhai district-a Ngur leh Zote khua chu nimin khan tlawhin, ASF avanga ranvulhtute harsatna tawh dan te zirchiangin, hrileng darh zel lohna tura hmalak zel dan tur te an zirtir.
Chawhma lamah Zote tlawhin, chawhnu lamah Ngur khuaah hun an hmang thung a. Va- wk thi sawngbawl dan leh inven dan turah te, hmundanga ASF a darh zellohna tura hmalakho zel dan turte Vawk vulhtute an zirtir.
AH &Vety Directorate Aizawl atangin Joint Director, Livestock Health Dr. Lalrinawma, Deputy Director, Disease investigation & epidemiology Dr. M. Zohmingthangi leh Veterinary officer, Disease investigation laboratory Dr. C. Neihthangpuii te bakah Champhai atangin District A.H & Vety. Officer Dr. B. Lallawm- sanga leh a thawhpui ten Ngur leh Zote khua hi an tlawh a ni.