Aizawl : Central building & other construction workers (CB&OCW) advisory board Chairman V. Srinivasa Naidu-a’n Labour, Employment, Skill Development and Entrepreneurship (LESDE) hotute nen Ningani zan khan La- rsap Hari Babu Kambhampati hmuin, tul leh pawimawh hrang hrang an sawipui.
Larsap chuan V. Srinivasa Naidu chu Mizoram a tlawh avanga lawmawm a tih thu a lo hrilh a. MB& OCWWB hnuaia hna- thawktu inziaklut an pung zel te, sum hmuh leh semchhuah pung te chu lawmawm a tih thu sawiin, LESDE department hotu ten a hnena harsatna an thlen te pawh a ngaihpawimawh thu leh a tul anga sorkar laipuia a lo thlen tur thu a sawi.
Mizorama inhlawhfate dinhmun sawiin, Larsap chuan ram leilung fa ten hna tam zawk an thawh a duhsak thu a sawi a. Inhlawhfate hamthatna tura LESDE department hotute inpekna fakawm a tih thu leh MB&OCWWB hnuaia scheme hrang hrang kalpui mek te chu tha a tih thu a sawi bawk.
Inhlawhfa thin ten hamthatna tam zawk an neih theihna turin insurance scheme dang Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) ah te inziaklut se a duhsak thu pawh Larsap chuan a sawi a. Hemi kawnga hmalakpuiah CB&OCW advisory board Chairman leh LESDE hotute chu a sawm bawk a ni.