Rimawi khawvela a zuanlut tir lamah sawi neuh neuh kai a nihnaah zahthlak a ti a, a inthiam loh hle niin, Miley Cyrus-i’n a sawi.
British Vogue-in a kawmnaah Cyrus hian kum tam tak chhunga a khawsak dan thenkhat vanga thiam lo intihna leh zahthlaka inhriatna a nei nasa hle a, amah vanga buaina awm leh mi tam tak rilru tihnuala a tihnat chungchangah thiamthu sawi tur pakhatmah a nei lo, a ti.
“Kum te a lo upat a, kan thanlen chho zelnaah hian khawhmuh leh thlir dan te pawh a danglam chho ve zel. Tunah puitling ka lo ni ve ta a, engti ang takin nge mi te khan min lo judge nasat thin tih ka hrethiam hle. Naupangte ka nih lai atanga enthlak leh enzui ka ni tawh a, tunah pawh hian a danglam chuang lo. Keimah ah chianna ka neih chu naupangte pawh ni se, tumah judge ka tum lo.
“Tunah hian kum 30 a upa hmeichhe puitling ka ni ve tawh a, mite ngaihven hlawh ni tura phar phar buai ang kha ka nei reng reng lo,” tiin a sawi.