Mi sual, a lumana Rs. 50,000 zet chhiar lai chu Uttar Pradesh-a Saharanpur-ah police patrolling team nen an inkah hnuah man a ni tih police-in Pathianni khan an sawi.
“Vawiinah Sarsawa Police Station-a patrolling team-in mi an zawn laiin tu an nih hriat pahnihin an lo kap a. Police team hian kap letin an um a, pakhat chu kap fuhin an man a, pakhat chu ram hnuaiah a tlan chhia,” tiin Saharanpur Superintendent of Police (SP) Vipin Tada chuan a sawi.
Police-in an man hi Yamuna Nagar-a cheng, thubuai hrang hrang nei lai a nih thu leh petrol pump rawk thubuai pawh a neih thu SP chuan a sawi.
Thu an zawh fiahnaa a sawi danin Saharanpur police hian a hmain a hote zinga eng emaw zat an lo man tawh thu a sawi niin SP chuan a sawi.
Police hian tlan bo ta pawh hi man tumin an zawng nghal a. An man tawh sa hi a hming an puang lo va; mahse, an district chhunga pawikhawihna tam tak nei tawh a nih thu a sawi a, police team hi an chet dan avang hian Rs. 25,000 hlan an ni tih Tada chuan a sawi.