Nimin khan Bungtlang JAC huaihawtin Bungtlang mipuiten an khaw Govt High School headmaster hna thawk mek, V.Suresh-a an khua atanga sawn chhuah an duh lohna lantir nan zirlai naupangte nen kawng an zawh.
He hunah hian Bungtlang Joint Action Committee hruaitute chuan sorkarin Suresh-a hmun danga sawnchhuahsak a tum chu an lo dodal tawh thu leh chumi hnu lawka transfer tura tih a ni leh mai chu an hriatthiam loh thu an sawi.
Suresh-a aiawh tura an dah hian Science leh Mathematics subject a lak theih dawn loh avangin zirna kawngah an hnufual dawn ta nia an hriat thu an sawi a, zirna kawngah leh thil dang dangah an khua tihmasawntu, Suresh-a khaw dang sawn tum a ni leh ta chu a tawp thlenga dodal tlat an tum thu an sawi.
Govt Bungtlang High School headmaster hna thawk lai V.Suresh-a hi Kum 2021 August thla khan Cherhlunah promotion transfer-in kaltir a ni a, thla thum hnuah pe kir leh turin a ti a, Bungtlang khawtlang mipuite hian an lo ui bet tawh a ni.