Aizawl : MZP executive committee ni- mina thukhawmin Manipur buaina kal mek ah Manipura Zohnah- thlak zirlai pawl leh com- munity tribe hrang hrang hruaitute nen a rang lama thutkhawm an rel.
MZP executive committee chuan Mizoram leh hnam kal zel tur thlir chungin Mizorama hna lak leh hamthatna hrang hrangah a tling leh tlak, ram leilung fate ngei lak an nih zel theihna tura hmalak an an rel a. MZP Federal Council agenda atan atan ‘Mizo hnam hrang hrangte hnam ziarang humhim leh kan inhriatpawh lehzual theih nan zirlaibua telh turin MZP-in hmalak ni rawh se,’ tih leh ‘ZOEST hi kum 2024-ah buatsaih leh ni rawh se,’ tih te chhawpchhuah ni se, an ti bawk.
Nimin vek khan Manipur buaina vanga raltlan, Discipleship Making Ministry (DM- M) Children Home-a naupang 30 te sorkar enkawlna hnuaia Berawtlanga Art and Culture building-a awm mekte chu MZP hruaitu ten tlawhin, Rs. 5,000 bakah an mamawh hrang hrang – Buhfai kg 50, Mizo Bible 35, Hla bu 35, Lalhmachhuana Zofa ziah Thawnthu bu – bu 22, Mutbu 30, Scale – Box 5, Pencil, Pen, lehkhapuan, naupang lawm chi hrang hrang, thawmhnaw thahnem tak leh ei tur chi hrang hrang an pe.
DMM Children Ho- me-ah hian Zofa hnam hrang hrang, mipa naupang 16 leh hmeichhe naupang 14 an vaiin naupang 30 an awm a. An founder Rosaline Kimi leh thawktu dang 2 in an enkawl a. Tunah hian Mizoram sorkarin Aizawl Bawrhsap kaltlangin a enkawl mek a ni.