Aizawl : PC Sr Vice President Lalrinzuala Ch- awngthu leh Gen. Secretary H Lalremsiama te chu nimin khan Aizawl Two Wheeler Taxi Association (ATTA) office-ah an leng a. ATTA President Lalhmunmawia leh Treasurer S Lalrintluanga ten lo dawngsawngin, an inkawm .
ATTA President chu- an State Transport Authority rate siam chu an member ten long run-ah zawm ṭha thaw- khat mahse, khawpui ch- hungah zawm kim an la harsat thu a sawi a. Sorkar nen inrawntawna rate bituk ṭhat an duh thu a lo hrilh bawk.
Society act hnuaia inziaklut an nih angin dan kenkawh thuah sorkar aia hma an lak chak theih zawk tur thu ATTA President chuan sawiin, Transport deptt. leh Traffic Police ten an pawl chu chhawr ṭangkai thiam se an duh thu a sawi.
ATTA member 3,500 vel an awm mek thu leh hmun ṭhenkhat, stand an neihlohnaah mimal hmun thla tin Rs. 46,000 cha- wia an luah thu leh hmun dangah te pawh stand fee an chawi thu a sawi bawk.
PC hruaitute chuan two wheeler taxi chu mipui nena inhne hnai, mipui rawngbawltu pawimawh an nih avangin an pawimawhna sorkarin hria se an duh leh tun aia mipui tan hmang ṭangkai thiam tura an duh thu an sawi.