Mizo Zirlai Pawl (MZP) leh Mizoram Chess Association (MCA) tangkawpin an buatsaih 10th Inter School Chess Championship 2023 chu vawiin khan Synod Conference Centre, Aizawl-ah tan a ni.
Ni hnih awh tur 10th Inter School Chess Championship 2023-ah hian sikul 28 atangin zirlai 564 an tel a, heng zirlaite hi Primary School zirlai 57, Middle School atangin zirlai 273 High School zirlai 182 leh Higher Secondary School zirlai 52 an ni.
10th Inter School Chess Championship 2023 hi naktuk hian a hmun ngaiah chhunzawmin a hmawr bawk a ni ang a, kharna inkhawmah hian MLA, Human Resource Development Board Vice chairman Pu L Thangmawia chu khuallian tura beisei a ni.
10th Inter School Chess Championship 2023 ah hian lawmman pawisa fai bakah Certificate te hlan an ni ang a. Mimal leh school tan lawmman tha tak a awm dawn a, school tel zawng zawngte hi Certificate of Appreciation / Participation Certificate pek theuh an ni dawn a ni.