Mizoramin kawlphetha, tuialhthei leh a dangte renchem zawk leh daihzai zawka a hman theihna tur, State Energy Efficiency Action Plan (SEEAP) chu nimin khan tlangzarh a ni.
State Designated Agency (SDA) Electrical Inspectorate buatsaih, SEEAP tlangzarh inkhawm hi Hotel Regency-ah neih a ni a, Chief Electrical Inspector Er R. Romawia’n a kaihruai a, Deloitte leh Green Tree aiawhte atangin zirchiannate ngaihthlak leh sawiho a ni.
SEEAP hi Bureau of Energy Efficiency (BEE), Ministry of Power, Govt. of India kaihhruaina hnuaiah Mizoram tan Deloitte leh Green Tree chuan zirchianna neiin energy hrang hrangte renchem leh daihzai zawka hman a nih theih dan tur ruahmanna leh kalphung turte a buatsaih a. Khawvel lum belh zel tur dona kawnga India hmachhawp neihte tihhlawhtlinna tura Mizoramin a phak tawka hma a lak theih dan tur kawng hrang hrang ruahman a ni.