Aizawl: Association for Voluntary Blood Donation (AVBD), Mizoram chuan nimin tlai khan Synod Office-ah kohhran thalai pawlte leh pawl dang hruaitute pualin inrawnkhawmna an buatsaih a, pawl hrang hrangin zing zawka thisen an pek theih dan tur sawiho a ni.
Inrawnkhawmna hi AVBD President C Lalnunnema’n a kaihhruai a; AVBD hruaitute bakah State NSS Officer, Central K|P, Mizoram |KP, Territorial SAY leh General PYD aiawhte an tel a. Civil Hospital, Aizawl Blood Bank-a Head of Department Dr K Rothangpuia’n blood bank-te dinhmun leh thisen an mamawh dante a sawifiah.
Dr K Rothangpuia chuan tunlaia thisen mamawh tam zawk chu thisen varte a ni a, chutih laiin, thisen var (platelets) chu a dam rei lo a, ni nga chauh dah that theih a nih thu a sawi a; thisen an dawn/lâk zingah an hman aiin damdawi in dang (private hospital, etc.)-in hman a tam zawk thu a sawi bawk.
Inrawnkhawmnaah hian kohhran thalai hrang hrang aiawhten thisen pek an kalpui dan tlangpui an sawi a; blood bank hrang hrangin thisen an tlâkchham loh dan tur leh thisen mamawhten a hun taka thisen an dawn theih dan tur sawiho a ni.